«ەركە سىلقىم» كۇيىنىڭ اۆتورى جايلى نە بىلەمىز؟

نۇر-سۇلتان. قازاقپارات - تاريحتى كۇيمەن تاپسىرلەپ، تانىمدى جىرمەن تاسقىنداتقان تۇلعانىڭ ءبىرى - داۋلەسكەر كۇيشى ءابدىمومىن جەلدىبايەۆ.

قازاقستاننىڭ ەڭبەك سىڭىرگەن قايراتكەرى، «پاراسات»، «قۇرمەت» وردەندەرىنىڭ يەگەرى، كۇيشى- كومپوزيتور جەلدىبايەۆتىڭ ءبىر عانا «ەركە سىلقىم» كۇيى قازاقتىڭ تۇتاس ءداۋىر كەلبەتى دەۋگە بولادى.

1934 -جىلى 15-قازاندا جامبىل وبلىسى شۋ اۋدانىندا دۇنيەگە كەلگەن كۇيشىنىڭ ونەر تۋىندىسى جارتى عاسىرعا جۋىق تىلسىم دا تەرەڭ اۋەزىمەن الديلەپ كەلەدى. جالىنداعان وي مەن سىرلى سەزىمنىڭ جاۋھار جەمىسى «ەركە سىلقىم» تۋرالى حالىق جازۋشىسى شەرحان مۇرتازا «ءابدىمومىننىڭ «ەركە سىلقىمى« - قازاق ونەرىنىڭ التىن قورىندا ماڭگى ساقتالاتىن قاناتتى تۋىندى» دەپ جوعارى باعا بەرگەن ەكەن. شىنىمەن دە «ەركە سىلقىم» - ەلدىڭ قازىناسىنا اينالعان ەرەكشە مۋزىكا، ەرەن قۇبىلىس. ءابدىمومىن جەلدىبايەۆتىڭ وتىزعا تارتا كۇيى مەن جيىرماعا جەتە ءانى بار.

كۇيشى- كومپوزيتور، قازاقستاننىڭ ەڭبەك سىڭىرگەن ونەر قايراتكەرى جامبىل مادەني اعارتۋ ۋچيليشەسىن، الماتى كونسەرۆاتورياسىن بىتىرگەن. 1964 -جىلدان شۋ اۋداندىق مادەنيەت ءبولىمىنىڭ مەڭگەرۋشىسى بولدى. 30 جىلدان اسا ۋاقىت بويى «شۋ ەركەسى» حالىق اسپاپتار انسامبلىنە جەتەكشىلىك ەتتى. كومپوزيتوردىڭ «ارمان قۇس»، «اباي ارمانى»، «جامبىل تولعاۋى»، «تۇران ەلى» سياقتى 70 تەن استام كۇيى مەن ءانى بار. ونىڭ «ەركە سىلقىم» كۇيى حالىققا كەڭىنەن تارالعان. «قۇرمەت» وردەنىمەن ماراپاتتالعان.

kaz.tengrinews.kz