ول باي ەلدەردى ۆاكسينانى كەدەي ەلدەرمەن بولىسۋگە شاقىردى، دەپ حابارلايدى قازاقپارات ب ۇ ۇ- نىڭ جاڭالىقتار ورتالىعىنا سىلتەمە جاساي وتىرىپ.
«10 اپتادان بەرى ازايعان ءولىم كورسەتكىشى قايتا وسۋدە. بىزگە الەمنىڭ بارلىق وڭىرلەرىنەن اۋرۋحانالاردىڭ قايتادان تولىپ جاتقانى تۋرالى حابارلار تۇسۋدە. ۆيرۋستىڭ Delta نۇسقاسى جۇقتىرۋ جاعدايلارى مەن ءولىم سانىنىڭ ورشۋىنە اكەلۋدە»، - دەدى تەدروس جەنيەۆاداعى بريفينگتە.
Delta شتامى
قازىرگى كەزدە Delta الەمنىڭ 104 ەلىندە انىقتالعان. د د س ۇ باسشىسىنىڭ ايتۋىنشا، ول الەم بويىنشا ەڭ كوپ تارالعان نۇسقاعا اينالماق.
«ۆاكسينامەن قامتۋ تومەن ەلدەردەگى احۋال قيىن. Delta جانە باسقا نۇسقالار مۇنداي ەلدەردە جۇقتىرۋدىڭ قاۋىپتى تولقىنىن تۋدىرىپ، اۋرۋحاناعا ءتۇسۋ مەن ءولىمنىڭ جوعارى كورسەتكىشتەرىنە اكەلەدى»، - دەپ اتاپ ءوتتى د د س ۇ- نىڭ باسشىسى.
ونىڭ ايتۋىنشا، ءتىپتى الدىڭعى تولقىندا وزدەرىنىڭ دەنساۋلىق ساقتاۋ جۇيەلەرىنىڭ ارقاسىندا ينفەكسيانىڭ ماسشتابتى ءورشۋىن الدىن العان ەلدەردىڭ وزدەرى بۇگىنگى كۇنى پاندەميا ەپيتسەنترىندە قالىپ وتىر.
د د س ۇ- نىڭ باس ديرەكتورى تەك قانا ۆاكتسينانىڭ كومەگىمەن داعدارىستان شىعا المايتىمىزدى مويىندادى، الايدا، ونىڭ ايتۋىنشا، ۆاكسينالاۋ - ۆيرۋسپەن كۇرەستەگى قولدا بار قۇرالداردىڭ ەڭ ءتيىمدىسى.
«ءبىز بۇگىن قوعامدىق دەنساۋلىق ساقتاۋ سالاسىنداعى توتەنشە جاعدايدىڭ ءورشۋىن باستان كەشۋدەمىز. ول، ءوز كەزەگىندە، ادامداردىڭ ومىرىنە، ولاردىڭ تىرشىلىك ەتۋ قۇرالدارىنا جانە الەم ەكونوميكاسىن قايتا قالپىنا كەلتىرۋگە ودان سايىن قاۋىپ ءتوندىرىپ وتىر»، - دەدى د د س ۇ- نىڭ وكىلى.
ونىڭ ايتۋىنشا، احۋال ۆاكسينا قورى از جەرلەردە ناشار، دەگەنمەن پاندەميا ەش قاي جەردە بىتكەن جوق.
«قازىرگى ۇجىمدىق ستراتەگيا مەنىڭ ەسىمە ورمان ورتىمەن كۇرەسۋشى ءورت ءسوندىرۋ كومانداسىن سالادى. سۋ قۇيۋ ارقىلى ءبىر جەردەگى الاۋدى اۋىزدىقتاۋعا بولادى، ءبىراق باسقا جەردە وت لاۋلاپ تۇرسا، شوقتار جان-جاققا تاراپ، قايتادان قورقىنىشتى جالىنعا اينالادى»، - دەدى تەدروس.
ۆاكسينالاردىڭ بىركەلكى بولىنبەۋى
د د س ۇ- نىڭ باس ديرەكتورى ۆاكسينالاردىڭ بىركەلكى جانە ءادىل بولىنبەي جاتقانى تۋرالى ەسكە سالدى.
كەيبىر ەلدەر مەن وڭىرلەر ميلليونداعان بۋستەرلىك دوزالارعا تاپسىرىس بەرىپ جاتسا، كەيبىر ەلدەردە ۆاكتسينا مەديتسينالىق قىزمەتكەرلەر مەن قاۋىپ-قاتەر توبىنداعى ادامداردى ۆاكسينالاۋعا جەتپەي جاتىر. «Moderna مەن Pfizer حالىقتىڭ ءبىراز بولىگى ۆاكتسينا العان ەلدەرگە بۋستەرلەر رەتىندە ۆاكسينا تاسىمالداۋدىڭ ورنىنا كۇشتەرىن پرەپاراتتى COVAX جۇيەسىنە جىبەرۋگە جۇمساۋىنا بولاتىن ەدى»، - دەدى تەدروس.
AstraZeneca الەم بويىنشا ءوندىرىستى كۇشەيتۋدە
د د س ۇ باسشىسى بارلىق فارماتسيەۆتيكالىق كومپانيالاردى وزدەرىنىڭ ليتسەنزيالارى، نوۋ-حاۋ جانە تەحنولوگيالارىمەن بولىسۋگە شاقىردى. ونىڭ ايتۋىنشا، AstraZeneca وسىنداي قادامعا بارعان - الەم بويىنشا ۆاكسيناسىن ليتسەنزيالاپ، ونىڭ ءوندىرىسىن كۇشەيتتى.
ول ەۋروپا، ءۇندىستان جانە كورەيا رەسپۋبليكاسىنان باسقا ددسۇ توتەنشە جاعدايلاردا قولدانۋعا ارنالعان ۆاكتسينالار قاتارىنا جاپونيا مەن اۋسترالياداعى تاعى ەكى ءوندىرىس كۇشىن قوستى. وسىلايشا، ليتسەنزيالىق كەلىسىمنىڭ ەسكەرىلۋىمەن، AstraZeneca ۆاكتسيناسىن وندىرەتىن ەلدەردىڭ قاتارى بەسكە دەيىن ءوستى. «باسقا وندىرۋشىلەر مۇنى ۇلگى ەتۋى كەرەك»، - دەدى تەدروس.
ول كۇندەلىكتى مىڭداعان ادامداردىڭ ءولىپ جاتقانىن ەسكە سالىپ، وسى سەبەپتى كەدەي ەلدەر تۇرعىندارىن ۆاكسينالاۋدى 2023-2024-جىلدارعا قالدىرماۋ كەرەك ەكەنىن ايتتى.