«جاڭا وقۋ جىلىنا دەيىن ەلوردانىڭ بالاباقشالارىن جەدەل ارەكەت ەتۋ ورتالىعىمەن قامتاماسىز ەتۋ ماسەلەسى قارالىپ جاتىر. ول ءۇشىن بۇگىندە ءتيىستى قاراجات ءبولىنىپ، كەلىسىمشارتتار جاسالۋدا. ياعني، بيىل جاڭا وقۋ جىلى باستالعاندا ەلوردا بالاباقشالارى جەدەل ارەكەت ەتۋ ورتالىقتارى جۇيەسىنە قوسىلادى دەپ جوسپارلاپ وتىرمىز»، - دەدى نۇر-سۇلتان قالالىق ءبىلىم باسقارماسىنىڭ باسشىسى شاكارىم سەيسەنباي ەلوردا ءماسليحاتىنىڭ جالپى وتىرىسىندا.
ونىڭ ايتۋىنشا، بالالاردىڭ قاۋىپسىزدىگىن قامتاماسىز ەتۋ كۇن تارتىبىندەگەى باستى سۇراقتاردىڭ ءبىرى بولىپ قالا بەرەدى.
«نۇر-سۇلتان قالاسىندا ءالى دە بولسا مەكتەپكە دەيىنگى ۇيىمداردى بەينەباقىلاۋ كامەرالارىمەن تولىقتىرۋ قاجەتتىلىگى بار. ياعني، بارلىق بەينەباقىلاۋ كامەرالارىنداعى اقپاراتتى قالا اكىمدىگىنىڭ ءبىرىڭعاي احۋالدىق ورتالىعى مەن پوليتسيا دەپارتامەنتىنىڭ جەدەل باسقارۋ ورتالىعىنا تىكەلەي جەتۋىن قامتاماسىز ەتۋ قاجەت. سونىمەن قاتار بالاباقشالاردا تۋرنيكەتتەر مەن داۋىستىق حابارلاندىرۋ جۇيەسىن ورناتۋ كەرەك. وسى ورايدا بالاباقشا قاۋىپسىزدىگى ءۇشىن جەدەل ارەكەت ورتالىعىنىڭ ماڭىزى زور جانە بۇل جۇمىس قوسىمشا قارجىلاندىرۋدى تالاپ ەتەدى»، - دەيدى ول.
وسىعان دەيىن ش. سەيسەنباي ەلوردا بالاباقشالارى 100 پايىز بەينەباقىلاۋ كامەرالارىمەن قامتاماسىز ەتىلگەنىن ايتقان ەدى.