بۇل تۋرالى كولىكتەگى پوليتسيا دەپارتامەنتىنىڭ باسپا ءسوز قىزمەتى مالىمەت تاراتىپ وتىر.
«كولىك پوليتسەيلەرى «ۆكونتاكتە» الەۋمەتتىك جەلىسىنە مونيتورينگ جۇرگىزۋ كەزىندە تەمىر جول ۇيىمدارىنىڭ بىرىندە جۇمىس ىستەيتىن 1984 -جىلعى ازاماتتان الەۋمەتتىك جەلىدە ءداستۇرلى ەمەس يسلام يدەيالارىن ناسيحاتتاعان اۋديو دارىستەردى ساقتاۋ فاكتىسىن انىقتادى. تەكسەرە كەلىپ، پوليتسەيلەر اتالعان ازاماتتىڭ دەسترۋكتيۆتى ءدىني اعىم ۇستانۋشىسى ەكەندىگىن انىقتادى»، - دەيدى كولىكتەگى پوليتسيا دەپارتامەنتىنىڭ ەكسترەميزمگە قارسى ءىس-قيمىل باسقارماسىنىڭ باستىعى ەرلان ءالىموۆ.
ءدىن تانۋ ساراپتاماسىنىڭ قورىتىندىسى بويىنشا اۋديوجازبانىڭ قازاقستان رەسپۋبليكاسىنىڭ اۋماعىندا تىيىم سالىنعانى راستالدى. ال ونى الەۋمەتتىك جەلىدەگى پاراقشاسىندا ساقتاپ كەلگەن ازاماتقا الماتى وبلىسى الاكول اۋداندىق سوتىنىڭ شەشىمىمەن، اكىمشىلىك قۇقىق بۋۇزى تۋرالى كودەكستىڭ 453-بابىنىڭ 3-بولىگى بويىنشا 100 ا ە ك كولەمىندە، ياعني 291700 تەڭگە ايىپپۇل سالىندى.