قوناق ءۇي ەلدىڭ شىعىسىنداعى تسزيانسۋ پروۆينتسياسىنىڭ سۋچجوۋ قالاسىندا ورنالاسقان. بۇل تۋرالى قازاقپارات ءتىلشىسى حابارلايدى.
قىتاي حالىق رەسپۋبليكاسىنىڭ توتەنشە جاعدايلار مينيسترلىگىنىڭ مالىمەتتەرىنە سايكەس، جەرگىلىكتى ۋاقىت بويىنشا ساعات 18:40 تا قۇلاعان قوناق ءۇيدىڭ استىنان سەگىز ادام شىعارىلدى. ولاردىڭ بىرەۋى العان جاراقاتتارىنان قايتىس بولدى، ءتورت ادامنىڭ جاعدايى تۇراقتى، ۇشەۋىنە مەديتسينالىق كومەك كورسەتىلدى. تاعى 10 عا جۋىق ادام حابار-وشارسىز كەتكەن.
سۋچجوۋ قالاسىنداعى «سىتسزي كايۋان» قوناق ءۇيى عيماراتىنىڭ ءبىر بولىگى دۇيسەنبى كۇنى تۇستەن كەيىن وپىرىلىپ تۇسكەن. توتەنشە جاعدايدىڭ سەبەپتەرى ءالى ايتىلمادى.
وقيعا ورنىندا ىزدەستىرۋ-قۇتقارۋ وپەراتسياسى جالعاسۋدا.