«مەملەكەت باسشىسىنىڭ تاپسىرماسىنا سايكەس، قۇرىلىس سالاسىندا وتاندىق ءونىمنىڭ ۇلەسىن ارتتىرۋ ماقساتىندا، ءبىزدىڭ مينيسترلىك نورماتيۆتىك-رەتتەۋ شاراسىن قابىلدادى. سونىڭ اياسىندا ەلەكتروندى رەەستر قۇرىلدى، وندا قۇرىلىستى سالۋ بارىسىندا قولدانىپ جاتقان ماتەريالداردىڭ ءتىزىمى كورىنىپ تۇرادى. ەندىگى ۋاقىتتا بيۋجەت قاراجاتىنا سالىنىپ جاتقان قۇرىلىس نىسانىندا قازاقستاندىق قۇرىلىس ماتەريالىن قولدانۋ مىندەتتى تالابى زاڭ جۇزىندە ەنگىزىلدى»، - دەدى ق ر يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى قايىربەك وسكەنبايەۆ و ك ق- دە وتكەن باسپا ءسوز ءماسليحاتىندا.
ۆيتسە-ءمينيستردىڭ ايتۋىنشا، اتالعان شارا وتاندىق قۇرىلىس ماتەريالدارىنىڭ وندىرىسىنە وڭ اسەرىن تيگىزەدى.
«مىسالى، قۇرىلىستى جوباسىن جوسپارلاۋ بارىسىندا مىندەتتى تۇردە قازاقستاندىق قۇرىلىس ماتەريالدارىن قولدانۋ كورسەتىلەتىن بولادى. سونىمەن قاتار، قۇرىلىستىڭ سمەتالىق قۇجاتىندا، ءار قۇرىلىس ماتەريالدىڭ قاي ەلدە وندىرىلگەنى كورسەتىلىپ تۇرادى. تاعى ءبىر تالاپ وزىمىزدە وندىرىلگەن قۇرىلىس ماتەريالىندا «قازاقستاندا جاسالعان» جازۋىنىڭ بولۋى شارت. جانە بۇل پروتسەسس قاتاڭ باقىلاۋدا بولادى. وسى تالاپتى ورىنداۋ ماقساتىندا بيىل ءساۋىر ايىندا زاڭداعى تاپسىرىس بەرۋشى فۋنكتسياسىنا وزگەرىس ەنگىزىلدى. ياعني ىستەلىنگەن جۇمىس اكتىسىندە وتاندىق قۇرىلىس ماتەريالدارىنىڭ كولەمى كورسەتىلەدى. سول سياقتى ەندىگى ۋاقىتتا تاپسىرىس بەرۋشىلەر مەردىگەر كومپانيالاردىڭ ەسەبىنە قاراپ وتىرىپ، قانشالىقتى وتاندىق ءونىمدى قولدانىپ جاتقانىن بىلە الادى»، - دەيدى ول.
ودان بولەك، ءمينيستردىڭ ءبىرىنشى ورىنباسارى قۇرىلىس سالاسىنداعى اتالعان جاڭاشىلدىقتىڭ مەملەكەتتىك ساتىپ الۋ پورتالىندا اشىق تۇردە جاريا ەتىلەتىنىن ءمالىم ەتتى.