الماتىدا پ ت ر انىقتاما مەن ۆاكسينا پاسپورتىن قولدان جاساپ ساتقاندار ۇستالدى
قالالىق كريمينالدىق پوليتسيا باسقارماسىنىڭ مالىمەتىنشە، «دوستار مەد» جانە «سۇڭقار» جەكە مەديتسينا ورتالىعى مەن №4 ەمحانانىڭ قىزمەتكەرلەرى ۆاكسيناتسيا پاسپورتتارىن ساتقانى جانە ۆاكسينالاردى زاڭسىز جويىپ جىبەرگەنى انىقتالدى.
«ءبىرىنشى جاعدايدا كلينيكاداعى زەرتحانا قىزمەتكەرى ورتالىقتىڭ ەكى مەيىربيكەسىنىڭ كومەگىمەن اقشالاي سىياقى ءۇشىن تەرىس ناتيجەمەن بيوماتەريالدى سىناماسىز پ ت ر تەستىن ۇيىمداستىردى. ءبىراز ۋاقىتتان كەيىن «سۇڭقار» مەديتسينالىق ورتالىعىنىڭ دارىگەر- ەندوكسيستى ۇستالدى، ول بۇرىن الاياقتىق ءۇشىن جاۋاپقا تارتىلعان. جەكە ءتىنتۋ كەزىندە پ ت ر تەست ناتيجەسى، سونداي- اق اقشا پروتسەسسۋالدىق تارتىپتە تاركىلەندى. سونىمەن قاتار №4 قالالىق ەمحانانىڭ اعا مەيىربيكەسى ۇستالدى. ول 15 مىڭ تەڭگە كولەمىندە اقشالاي سىياقى الۋ ءۇشىن ۆاكسينا العانداردى بەلگىلەۋ جۋرنالىنا جالعان تىركەۋمەن اينالىسقانىن مويىندادى»، - دەپ حابارلادى پوليتسيادان.
اتالعان فاكتىلەر ق ر ق ك 385-بابى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى. تەرگەۋ جالعاسىپ جاتىر.
اۆتور: الما مۇقانوۆا