اسقار شاكىروۆ الەمدىك ۇيىمنىڭ پارلامەنتتىك اسسامبلەياسى ءتوراعاسىنىڭ ورىنباسارى بولىپ سايلاندى
ە ق ى ۇ پارلامەنتشىلەرى تۇراقتى كوميتەتتىڭ وتىرىسى مەن جالپى وتىرىس بارىسىندا پارلامەنتتىك اسسامبلەيانىڭ اعىمداعى قىزمەتى مەن باسىمدىقتارىن تالقىلادى، حالىقارالىق كۇن تارتىبىندەگى وزەكتى ماسەلەلەر بويىنشا شەشىم قابىلدادى.
ءتوراعا ورىنباسارى سەسسيا اياسىندا ازەربايجان، بولگاريا، دانيا، ليتۆا، ا ق ش، فينليانديا، شۆەتسيانىڭ ۇلتتىق دەلەگاتسيالارىنىڭ باسشىلارىمەن، ونىڭ ىشىندە ە ق ى ۇ پ ا- نىڭ جاڭادان سايلانعان ءتوراعاسى م. سەدەرفەلتپەن كەزدەستى.
اسقار شاكىروۆ ەۋروپالىق دەپۋتاتتاردى جاڭعىرتۋ جونىندەگى كۇن ءتارتىبى اياسىندا جۇزەگە اسىپ جاتقان مەملەكەت باسشىسىنىڭ دەموكراتيالىق رەفورمالارىنىڭ ءۇش توپتاماسىمەن تانىستىردى. ە ق ى ۇ پارلامەنتشىلەرى پرەزيدەنت ق. ك. توقايەۆتىڭ باستاماسى بويىنشا قازاقستاندا جۇزەگە اسىپ جاتقان ساياسي جانە الەۋمەتتىك-ەكونوميكالىق وزگەرىستەرگە قولداۋ ءبىلدىردى.
دانيا دەلەگاتسياسىنىڭ باسشىسى پ. يۋەل-يەنسەنمەن كەزدەسۋ بارىسىندا قازاقستانمەن پارلامەنتارالىق ديالوگتى دامىتۋعا باسا نازار اۋدارىلدى جانە دانيا پارلامەنتىندە ورتالىق ازيامەن دوستىق توبىن قۇرۋ تۋرالى ۋاعدالاستىققا قول جەتكىزىلدى.
سەسسيا اياسىندا ە ق ى ۇ پارلامەنتتىك اسسامبلەياسىنىڭ باسشىلىق قۇرامىنا سايلاۋ بولدى، ونىڭ قورىتىندىسى بويىنشا سەنات ءتوراعاسىنىڭ ورىنباسارى اسقار شاكىروۆ ۇيىم ءتوراعاسىنىڭ ورىنباسارى بولىپ سايلاندى.