ىشەك ينفەكسياسىنان قالاي ساقتانۋعا بولادى؟
دارگەردىڭ ايتۋىنشا، ىشەك ينفەكسيالارى جىلدىڭ بارلىق مەزگىلىندە بولادى. دەسەكتە، ادامدار جازدا كوبىرەك اۋرادى. بۇل اۋا رايىنىڭ ىستىعىنا بايلانىستى. ىشەك ينفەكسيالارىنىڭ ەڭ قاۋىپتىسى سالمونەللەز، ديزەنتەريا جانە تاعامدىق توكسيكوينفەكتسيا.
ەگەر ىشەك ينفەكسياسىن ۋاقىتىندا ەمدەمەسە، وندا بۇل ادامعا دەگيدراتاتسيامەن قاۋىپ توندىرەدى.
ىشەك ينفەكسياسىنىڭ العاشقى بەلگىلەرى ءار ءتۇرلى جولمەن كورىنۋى مۇمكىن: باس اينالۋ، جۇرەك اينۋ، قۇسۋ، ءىشتىڭ مەزگىل-مەزگىل اۋىرۋى، ديارەيا، قالتىراۋ.
«ىشەك ينفەكسياسى اعزاعا كىر قول، اشىق سۋ جانە دۇرىس ساقتالماعان تاعامدار، جۋىلماعان كوكونىستەر مەن جەمىستەر ارقىلى جۇعادى. سوندىقتان قولىڭىزدى سابىنمەن ءجيى جۋىپ، قايناعان سۋ ءىشىپ، تەك جاڭا دايىندالعان تاعامدارمەن تاماقتانۋ كەرەك»، - دەيدى مامان.
ىشەك ينفەكسياسى - ءبىرىنشى كەزەكتە اس قورىتۋ جولىن زاقىمدايتىن جۇقپالى اۋرۋلاردىڭ توبى.
ونىڭ پايدا بولۋىنا نەگىزىنەن ميكرواعزالاردىڭ باكتەريا، ۆيرۋس سىندى تۇرلەرى سەبەپ.
ينفەكسيا كوزى - ناۋقاس ادام نەمەسە ءجىتى ىشەك ينفەكسيا قوزدىرعىشتارىنىڭ تاسىمالداۋشىسى.
اينالاداعى ادامدار ءۇشىن، اسىرەسە، اۋرۋدىڭ جەڭىل، انىق بايقالمايتىن جانە سيمپتومسىز تۇرلەرىنە شالدىققاندار وتە قاۋىپتى.