ايكەزبەنى نەگە وياتۋعا بولمايدى؟
ءبىراق ءبارىمىز ەستىدىك. اسىرەسە «ايكەزبەنى وياتۋعا بولمايدى» دەگەندى كوپ ەستىگەن بولارمىز. ەندەشە ونىڭ سىرى ەكەن، سونى بىلەيىك.
ايكەزبە دەرتى - مەديتسينادا ءبىرشاما زەرتتەلگەن تاقىرىپ. ادامنىڭ نەگە اي كەزىپ كەتەتىنى دە انىقتالعان. ءبارى ۇيىقتاپ جاتقان ادامعا، مي جۇمىسى مەن تىنىعۋىنا بايلانىستى. ادام ۇيىقتاسا دا، مي ۇيىقتامايدى. ۇيىقتاعان ادامنىڭ ميى جۇمىس ىستەپ تۇرعانىمەن، دەنەسى قوزعالىسسىز، پاراليزدەنگەن كۇيدە جاتادى. بۇل - ادامنىڭ تابيعي قورعانىسى. ويتكەنى ادام ۇيىقتاعاندا دەنەسى بايلانعان كۇيدە جاتپاسا، ميدىڭ ايتقانىن، تۇسىندە كورگەنىن ىستەپ كەتۋى مۇمكىن. اسىرەسە ادام جىلدام ۇيقىعا كەتكەن كەزدە، دەنەسى تۇك سەزبەي، سۇلىق جاتادى.
ءبىراق تەرەڭ ۇيقىعا كەتكەندە قىزىق پارادوكس بولادى. ياعني، مي مۇلدە ۇيىقتامايدى. ساۋ كۇيىندە جاتادى دا، دەنەگە سيگنال بەرىپ، ايتقانىن ىستەتە الاتىن قابىلەتكە يە بولاتىن كورىنەدى. قىزىقتىڭ ءبارى وسى جەردەن باستالادى.
جاقىندا يتاليانىڭ نيگۋارد اۋرۋحاناسىندا ايكەزبەگە شالدىققان ناۋقاستارعا جۇرگىزىلگەن ارنايى زەرتتەۋدەن مۇنداي ادامداردىڭ ميى جارتىلاي وياۋ جاتاتىنى بەلگىلى بولدى. ياعني، ميدىڭ ءبىر بولىگى شىرت ۇيقىعا كەتەدى دە، ءبىر بولىگى سەرگەك وياۋ بولادى. ايكەزبەلىككە وسى ديسبالانس سەبەپ. ۇيىقتاپ جاتقان ادامنىڭ وياۋ ميى دەنەگە ايتقانىن ىستەتىپ، ورنىنان تۇرعىزىپ جىبەرەتىنى سودان.
دارىگەرلەردىڭ ايتۋىنشا، ايكەزبەلىكتەن توسەگىنەن تۇرىپ كەتكەن ادامدى وياتۋدىڭ ورنىنا الداپ قايتا توسەگىنە جاتقىزعان ءجون. ەل ايتىپ جۇرگەندەي، «ايكەزبەنى وياتساڭ، جۇرەگى جارىلىپ كەتەدى» دەگەن وي مەديتسينادا ءالى دالەلدەنگەن جوق. دارىگەرلەر ايكەزبەنى وياتۋعا بولادى، ءبىراق ويانعان ادامنىڭ ءوزى ىڭعايسىز بولۋى مۇمكىن، سوندىقتان وياتىپ قاجەت ەمەس دەگەندى العا تارتادى.
massaget.kz