توكيو وليمپياداسىنا باراتىن قازاقستاندىق سپورتشىلار قانداي ۆاكسينا سالدىردى
20:01, 16 - ماۋسىم 2021
نۇر-سۇلتان. قازاقپارات - ق ر مادەنيەت جانە سپورت ۆيتسە-ءمينيسترى ەرلان قوجاعاپانوۆ توكيودا وتەتىن وليمپياداعا باراتىن سپورتشىلاردىڭ قانداي ۆاكسينا سالدىرعانىن ايتىپ بەردى، ايتىپ بەردى، دەپ حابارلايدى قازاقپارات ءتىلشىسى.
«ليتسەنزيا يەگەرلەرىنىڭ شامامەن 80 پايىزى ۆاكسينا سالدىردى، ءالى دە ۆاكسينالاۋ جۇمىسى جالعاسىپ جاتىر»، - دەدى ەرلان قوجاعاپانوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا. ۆيتسە-مينيستر ءبىزدىڭ سپورتشىلاردىڭ شەكارادان ءوتۋ ماسەلەسى ءىس جۇزىندە شەشىلگەنىن اتاپ ءوتتى.
«قازاقستاندىق سپورتشىلار قابىلداعان نەگىزگى ۆاكسينا - «سپۋتنيك V» بولىپ وتىر، سونداي- اق سپورتشىلار جيىن ءوتىپ جاتقان قالالار بويىنشا ۆاكسينا الىپ جاتىر، كەي جەردە Pfizer، كەي جەردە AstraZeneca، ال ەندى ءبىر جەردە Moderna سالعىزۋدا»، - دەپ ءتۇسىندىردى ەرلان قوجاعاپانوۆ.
بۇعان دەيىن مادەنيەت جانە سپورت ۆيتسە-ءمينيسترى قازاقستاندا 82 مىڭ بالا ۇيىرمە مەن سپورت سەكسياسىنا تەگىن قاتىسا الاتىنىن ايتقان ەدى.
اۆتور: ايجان سەرىكجان قىزى