فۋتبولدان ەۋروپا چەمپيوناتى: كريشتيانۋ رونالدۋ پورتۋگالياعا جەڭىس الىپ كەلدى

نۇر- سۇلتان. قازاقپارات - فۋتبولدان ەۋروپا چەمپيوناتىنىڭ فينالدىق ساتىسىنداعى توپتىق كەزەڭدە ۆەنگريا جانە پورتۋگاليا قۇرامالارى كەزدەستى، دەپ حابارلايدى قازاقپارات ءتىلشىسى.

اتالعان ەكى قۇراما F توبىندا سىنعا تۇسەدى. قارسىلاستارى - فرانتسيا جانە گەرمانيا قۇرامالارى. ەكى قۇراما بۇعان دەيىن 14 مارتە كەزدەسكەن. ونىڭ 10 ىندا پورتۋگاليالىقتار جەڭىسكە جەتسە، 4 ىندە تەڭ ناتيجە تىركەلدى.

اتالعان ويىن ۆەنگريا استاناسى بۋداپەشت قالاسىنداعى «پۋشكاش ارەنا» ستاديونىندا ءوتتى. سوعان قاراماستان پورتۋگاليانىڭ باسىمدىعى اڭعارىلىپ تۇردى. كەزدەسۋ بارىسىندا پورتۋگاليالىق فۋتبولشىلار قارسىلاستار قاقپاسى ماڭىندا ءجيى بوي كورسەتتى. دەسە دە، گولداردى ويىن سوڭىنا تامان سوقتى. الدىمەن، 84-مينۋتتا رافاەل گەررەيرۋ ەسەپ اشتى. ال كريشتيانۋ رونالدۋ 87-مينۋتتا پەنالتيدەن ءمۇلت كەتپەسە، 90-مينۋتتا ءوزىنىڭ ەكىنشى گولىنىڭ اۆتورى اتاندى. وسىلايشا، پورتۋگاليا قارسىلاسىنان 3:0 ەسەبىمەن باسىم ءتۇستى.

ەندى F توبىنداعى كەلەسى تۋر 19-ماۋسىم كۇنى بولادى. بۇل كۇنى پورتۋگاليا مەن گەرمانيا، ۆەنگريا مەن فرانسيا قۇرامالارى كەزدەسەدى. بيىلعى بىرىنشىلىكتە بارلىعى 24 قۇراما سىنعا تۇسەدى. ءاربىر توپتان ۇزدىك ەكى كوماندا مەن كورسەتكىشى جوعارى ءتورت قۇراما جارىستى جالعاستىرۋعا مۇمكىندىك الادى.

فۋتبولدان ەۋروپا چەمپيوناتى 11-ماۋسىمدا باستالدى، ول 11 -شىلدەدە مارەسىنە جەتەدى.