ۆاكسيناتسيا تولقۇجاتىمەن پراگاعا. چەحيا «سپۋتنيك V» نەمەسە Sinopharm ۆاكسيناسىن العان سلوۆاكيا، ۆەنگريا جانە سەربيا تۇرعىندارىنا پ ت ر زەرتتەۋدىڭ تەرىس ناتيجەسى بار انىقتاماسىز، سونداي-اق، مىندەتتى كارانتينسىز ەلگە كىرۋگە رۇقسات بەردى.
بۇل تۋرالى چەحيانىڭ دەنساۋلىق ساقتاۋ ءمينيسترى ادام ۆويتەح مالىمدەدى. بەتپەردە كيۋ تالابى الىندى. بۇگىننەن باستاپ يزرايلدىڭ تۇرعىندارى قوعامدىق ورىندا قورعانىس ماسكاسىن كيۋگە مىندەتتى ەمەس.
بۇل - كوروناۆيرۋس پاندەمياسىنا بايلانىستى ەنگىزىلگەن سوڭعى شەكتەۋلەردىڭ ءبىرى. تەك شەتەلدىكتەردىڭ ەلگە كىرۋىنە تىيىم سالاتىن تالاپتار الىنعان جوق.
يزرايلگە تەك ەرەكشە وتباسىلىق نەمەسە جۇمىس جاعدايلارى بويىنشا كىرۋگە رۇقسات ەتىلگەن.
نەپالدا كوروناۆيرۋس ينفەكسياسىمەن كۇرەستى جۇرگىزۋگە قاجەتتى ءدارى-دارمەك تاپشى.
پاندەميا سالدارىنان اۋرۋحانالاردا بوس ورىن جوق. مۇندا ەڭ قاجەت دەگەن ءدارى-دارمەكتەر مەن قۇرىلعىلاردىڭ تاپشىلىعى بايقالۋدا. حالىقارالىق ۇيىمدار قاۋىمداستىقتى نەپالعا گۋمانيتارلىق كومەك رەتىندە وتتەگى باللوندارىن، وكپەنى جاساندى جولمەن جەلدەتۋ اپپاراتتارىن جانە COVID-19-عا قارسى ەكپەلەردى جەتكىزۋگە شاقىرادى.
28,6 ميلليون حالقى بار نەپالدا سوڭعى تاۋلىكتە كوروناۆيرۋستىق ينفەكسياعا شالدىعۋ جاعدايلارىنىڭ سانى 2049 عا ارتىپ، 610521 گە جەتتى.