ول ءۇشىن شەتەلدىك ەل اۋماعىندا كەمىندە 5 كۇن دەمالۋى كەرەك، دەپ حابارلايدى قازاقپارات ءتىلشىسى.
بۇل تۋرالى تۋريزم يندۋسترياسى كوميتەتىنىڭ ءتوراعاسى داستان رىسپەكوۆ ورتالىق كوممۋنيكاتسيلار قىزمەتىندە وتكەن بريفينگىدە ايتتى.
«وزدەرىڭىز بىلەتىندەي، بۇگىنگى تاڭدا قازاقستاندىق تۋروپەراتورلاردىڭ جۇمىسى سىرتقى تۋريزمگە باعىتتالعان. بۇدان بىلاي تۋروپەراتورلاردى ىشتەن سىرتقا ەمەس، سىرتتان ىشكە تۋريست تارتۋعا ىنتالاندىرامىز. ول ءۇشىن حالىقارالىق تاجىريبە نەگىزىندە ەلگە اكەلگەن ءاربىر شەتەلدىك تۋريست ءۇشىن تۋروپەراتورلارعا 15000 تەڭگە سۋبسيديا تولەنەدى. ول تۋريست قازاقستان اۋماعىندا كەمىندە 5 كۇن بولۋى كەرەك. سوندا تۋريستىك وپەراتورلار تۋريستەن دە اقشا تابادى، مەملەكەتتەن دە سۋبسيديا الادى. مىسالى، تۋروپەراتور قازاقستانعا تۋرپاكەت قۇرامىندا 1000 شەتەلدىكتى اكەلسە، ول مەملەكەتتەن 15 ميلليون تەڭگە الادى»، - دەدى داستان رىسپەكوۆ.
كوميتەت ءتوراعاسى تۋروپەراتورلار بۇل قاراجاتتى شەتەلدىك ارىپتەستەرمەن ءوز ارىپتەستىگىن ودان ءارى نىعايتۋعا باعىتتاي الاتىنىن ءتۇسىندىردى.
«بۇل قاراجاتتى ولار ەلىمىزگە تۋريست تارتۋ جونىندە كەلىسىم جاساسۋ ءۇشىن حالىقارالىق كورمەلەر ۇيىمداستىرۋعا، وزدەرى باسقا كورمەلەرگە قاتىسۋعا پايدالانا الادى»، - دەدى كوميتەت باسشىسى.