قاسىم-جومارت توقايەۆتىڭ پرەزيدەنتتىك لاۋازىمداعى ەكى جىلىنا شولۋ جاساي كەلىپ، ارىس قالاسىن جارىلىستاردان كەيىن قالپىنا كەلتىرۋ جۇمىستارىنا ەرىكتىلەردىڭ بەلسەندى اتسالىسقانىن ەسكە الادى.
وسى كەزدە كادردا پرەزيدەنتتىڭ سەنبىلىكتە ەڭبەك ەتىپ جۇرگەنى بەينەسى كورسەتىلگەن.
«وسىناۋ اۋەسقوي كينوكادرلاردا 10-سىنىپ وقۋشىسى قاسىم-جومارت توقايەۆ الماتىداعى 25№ ورتا مەكتەپتە مامىر سەنبىلىگىندە مەكتەپ اۋلاسىن قوقىستان ارىلتىپ، قىزدارعا كومەكتەسىپ جاتىر»، - دەيدى فيلم اۆتورى.
سونداي-اق، فيلم بارىسىندا قاسىم-جومارت توقايەۆتىڭ سپورتپەن شۇعىلدانىپ جاتقان ساتتەرى بار سيرەك كەزدەسەتىن سۋرەتتەر كورىنىس تاپقان.
«اكەمنىڭ تاعدىرى بالا كەزىنەن باستاپ وڭاي بولعان جوق. ول ەرتە جەتىم قالدى. اۋەلى بالالار ۇيىندە، سودان كەيىن ينتەرناتتا تاربيەلەندى. سودان كەيىن سوعىس باستالدى. مايدان ول ءۇشىن باتىلدىق پەن تاباندىلىقتىڭ تاعى ءبىر سىناعى بولدى. ول سوعىستان كوپ ساباق الىپ، قورقىنىش پەن قايعى-قاسىرەتتى جەڭە الدى»، - دەپ ەسكە الادى قاسىم-جومارت توقايەۆ.