بۇل ساۋالعا بۇگىن ق ر اۋىل شارۋاشىلىعى ءمينيسترى ساپارحان وماروۆ جاۋاپ بەردى، دەپ حابارلايدى قازاقپارات ءتىلشىسى.
«قازاقستان قازىرگى ۋاقىتتا 5 ميلليون توننا استىقتى ەكسپورتقا جىبەردى. بيىل تاعى 8 ميلليون توننا استىق ەكسپورتتاۋدى جوسپارلاپ وتىرمىز. مەنىڭشە، كەلەسى جىلى دا ەكسپورت كولەمى وسى دەڭگەيدە ساقتالاتىن بولادى»، - دەدى ءمينيسترى ورتالىق كوممۋنيكاتسيالار قىزمەتىندەگى باسپا ءسوز ءماسليحاتى بارىسىندا ب ا ق وكىلدەرىنىڭ ساۋالىنا وراي.
ونىڭ اتاپ وتۋىنشە، بىلتىر ەلىمىزدە 20,1 ميلليون توننا استىق باستىرىلدى. بيىل دا سول مولشەردە استىق ءتۇسىمى بولادى دەگەن بولجام بار.
«كوكتەمگى ەگىستىك جۇمىستارى كۇنى كەشە عانا تولىعىمەن اياقتالدى. الدا جاز مەزگىلى بار. ەگىستىك القاپتارىن حيميالىق وڭدەۋدەن دە وتكىزۋىمىز كەرەك. سوندىقتان بولجام جاساۋعا ءالى ەرتە دەپ ويلايمىن. دەگەنمەن، بيىلعى استىق ءتۇسىمى وتكەن جىلدارداعى دەڭگەيدە ساقتالادى دەپ ۇمىتتەنەمىن»، - دەدى ساپارحان وماروۆ.