بۇل تۋرالى نۇر- سۇلتان قالاسى ينۆەستيتسيالار جانە كاسىپكەرلىكتى دامىتۋ باسقارماسىنىڭ باسشىسى ەرلان بەكمۇرزايەۆ ايتىپ بەردى، دەپ حابارلايدى قازاقپارات ءتىلشىسى.
«نۇر- سۇلتان قالاسى سانيتارلىق- ەپيدەميولوگيالىق باقىلاۋ دەپارتامەنتىمەن بىرلەسىپ، سانيتارلىق تالاپتاردى ساقتاي وتىرىپ، قالانىڭ 9 ءىرى ساۋدا- ويىن- ساۋىق ورتالىقتارى مەن ساۋدا ۇيلەرىندە ۆاكسينا ەگۋ پۋنكتتەرى اشىلدى. ولار: «Mega Silk Way»- «Keruen» ، «حان شاتىر»، «سارى ارقا»، «ءابۋ- دابي پلازا»، «ازيا پارك»، «ەۋرازيا»، «الەم» جانە «مەچتا». ساۋدا نىساندارىنداعى ۆاكسينالاۋ پۋنكتتەرى دەمالىسسىز تاڭعى 10:00-دەن كەشكى 22:00-گە دەيىن جۇمىس ىستەيدى»، - دەدى ە. بەكمۇرزايەۆ ەلوردا اكىمدىگىندە وتكەن باسپا ءسوز ءماسليحاتىندا.
ونىڭ ايتۋىنشا، تۇرعىنداردى ۆاكسينالاۋعا ىنتالاندىرۋ ءۇشىن كەيبىر ساۋدا ورتالىقتارىندا جەڭىلدىك باعدارلامالارى مەن كاسىپكەرلەردەن سىيلىقتار ويناتىلادى.
«ۆاكسينا العان ازاماتتار سىيلىق الا الادى نەمەسە ۇتىس ويىنىنا قاتىسا الادى. مىسالى، ەكپەدەن كەيىن «سارى ارقا» س و و- دا Actual Optic-تەن 5 مىڭ تەڭگەگە جەڭىلدىك كۋپونىن الۋعا بولادى. سونداي- اق، بلانكتى تولتىرىپ، كينوپاركتەن جەڭىلدىك الۋعا بولادى. «ازيا پارك» س و و- دا كاسىپكەرلەردىڭ جۇلدەلەرى (تۇرمىستىق تەحنيكا، ەلەكترونيكا، سوو جالعا الۋشىلار اتىنان سىيلىقتار) جانە ت. ب. ويناتىلادى»، - دەپ ءتۇسىندىردى باسقارما وكىلى.
اۆتور: ايجان سەرىكجان قىزى