«قۇرمەتتى ەلوردا تۇرعىندارى مەن قوناقتارى! بۇكىل الەمدە COVID-19 ەپيدەميولوگيالىق جاعدايىن تۇراقتاندىرۋ ءۇشىن قاجەتتى شارالار قابىلدانۋدا، ونىڭ ىشىندە حالىق اراسىندا ۇجىمدىق يممۋنيتەتتى قالىپتاستىرۋ بار. ۇجىمدىق يممۋنيتەتتىڭ وڭتايلى دەڭگەيىنە قول جەتكىزۋ ءۇشىن قالا حالقىنىڭ كەمىندە % 60- ىن COVID-19-عا قارسى ۆاكسينامەن قامتۋ قاجەت. بۇگىنگى تاڭدا ءوزىن- ءوزى وقشاۋلاۋ جانە باسقا دا شەكتەۋ شارالارىنىڭ بالاما شەشىمى - ۆاكسينالاۋ بولىپ وتىر»، - دەدى سارحات بەيسەنوۆا ەلوردا اكىمدىگىنىڭ بريفينگىندە.
سپيكەردىڭ ايتۋىنشا، ەلوردا تۇرعىندارىنىڭ % 14,3- ى COVID-19-عا قارسى ۆاكسينانىڭ ءبىر دوزاسىن العان.
«دەمەك، ءبىز جاپپاي يممۋنيتەتكە قول جەتكىزۋگە ءبىرتابان جاقىنداپ، COVID-19-دى جەڭۋدەمىز. ءبىز ۆاكسينانى قالا تۇرعىندارىنا قولجەتىمدى ەتۋ ءۇشىن ءبارىن جاساپ جاتىرمىز. وسى ورايدا، مەن بارشاڭىزدان بۇگىنگە دەيىن قول جەتكىزگەن جەتىستىكتەرىمىزدى ساقتاپ، جاڭا قالىپتى جاعدايعا ورالۋ ءۇشىن ۆاكسينا الۋعا شاقىرامىن. سونداي- اق، تۇرعىنداردان بۇقارالىق ءىس- شارالارعا، اكسيالارعا جانە ۇتىس ويىندارىنا قاتىسپاۋلارىڭىزدى وتىنەمىن. مۇنداي شارالاردى تەك ونلاين رەجيمىندە ۇيىمداستىرۋىڭىزدى سۇرايمىز، ويتكەنى قالا بۇرىنعىسىنشا قىزىل ايماقتا ورنالاسقان»، - دەيدى س. بەيسەنوۆا.
ايتا كەتەيىك، مامىر ايىنىڭ باسىمەن سالىستىرعاندا 100 مىڭ تۇرعىنعا شاققانداعى اپتالىق سىرقاتتانۋ كورسەتكىشى 210-نان 110-عا دەيىن تومەندەدى. سىرقاتتانۋ كورسەتكىشى الدىڭعى اپتادان %18- عا تومەن. 9 - ماۋسىمداعى جاعداي بويىنشا ەلوردا حالقىنىڭ % 9,4 نەمەسە 111683 ادام ەكى كومپونەنتتى تولىق الدى. ءبىرىنشى كومپونەنتپەن 169632 ادام نەمەسە % 14,3 قامتىلعان.
اۆتور: ايجان سەرىكجان قىزى