«مينيستر مىرزا، حالىقتىڭ مۇڭ- مۇقتاجىن تىڭداۋعا شىعۋ كەرەك. ادامدارمەن سانيتارلىق دارىگەردىڭ قاۋلىسى ارقىلى بايلانىسقاندى قويۋ كەرەك. اۋرۋحاناعا، ەمحاناعا بارىڭىز. اسىرەسە، اۋداندىق مەديتسينالىق ۇيىمداردى ارالىپ شىعىڭىز، ونداعى كەزەكتە تۇرعان ادامداردى تىڭداڭىز. مەنىڭ ويىمشا، سول كەزدە مەديتسينالىق كومەك ساپاسى مەن وسى كورسەتكىشكە قول جەتكىزۋ جايىندا قاجەتتى مالىمەت الاسىز. جالپى ءوز جۇمىسىڭىز جايىندا حالىقتىڭ پىكىرىن ەستيسىز»، - دەدى ن. نىعماتۋلين ءماجىلىستىڭ جالپى وتىرىسىندا.
وسى ورايدا ءماجىلىس سپيكەرى اتالعان ۆەدومستۆونى ءتيىستى قادامدار جاساۋعا شاقىردى.
«ىندەتكە بايلانىستى دەنساۋلىق ساقتاۋ مينيسترلىگىنە سالماق ءتۇسىپ تۇرعانىن تۇسىنەمىز. ءبىراق تا ءبىراز ۋاقىت ءوتتى عوي، جيناقتالۋ كەرەك. باسپا ءسوز ءماسليحاتى وتەتىن ورتالىق كوممۋنيكاتسيالار قىزمەتىنەن بولەك، قارىم- قاتىناستى جولعا قويعان دۇرىس بولادى. ءبىزدىڭ سايلاۋشىلارمەن بايلانىستا بولىڭىزدار»، - دەدى ن. نىعماتۋلين.
اۆتور: رۋسلان عابباسوۆ