المازبەك اتامبايەۆتىڭ جاعدايى اۋىر ەكەنى حابارلاندى

بۇل تۋرالى ونىڭ ادۆوكاتى زامير جووشيەۆ مالىمدەدى، - دەپ حابارلايدى 24.kg سايتى.

ونىڭ ايتۋىنشا، ينفاركت بولۋى مۇمكىن، بۇرىنعى اۋرۋلارى دا اسقىنىپ كەتكەن. اتاپ ايتقاندا، ارقاداعى اۋىرسىنۋ كۇشەيە ءتۇستى. الايدا ءبىر اي بۇرىن تاعايىنداعان سوت-مەديتسينالىق ساراپتاما ءالى اياقتالعان جوق.

ادۆوكاتتىڭ سوزىنشە، 148 پاراق مەديتسينالىق تاريحىنىڭ كوشىرمەسى سۋديالارعا بەرىلگەن. ول ساراپتاما تاعايىندالعانىن اتاپ ءوتتى.

«المازبەك اتامبايەۆ كەشەندى ەمدەۋدى قاجەت ەتەدى. ول ونى كولونيا جاعدايىندا الا المايدى. ءبىز ونى اۋرۋحاناعا جاتقىزۋ ءۇشىن سانكسيانى ءۇي قاماققا وزگەرتۋگە بىرنەشە رەت ءوتىنىش جازعانبىز. ءبىراق كەلىسىم بەرمەي جاتىر»، - دەدى زامير جووشيەۆ.

ەسكە سالايىق، المازبەك اتامبايەۆقا قاتىستى بىرنەشە قىلمىستىق ءىس قوزعالدى، ونىڭ ىشىندە 2019-جىلعى 7-8- تامىزدا بولعان قوي-تاش اۋىلىنداعى تارتىپسىزدىكتەر، سىبايلاس جەمقورلىق دەرەكتەرى جانە قىلمىستىق كىرىستەردى زاڭداستىرۋ ىستەرى بار. قاڭتاردا قىرعىزستاننىڭ ەكس- پرەزيدەنتى تەرگەۋ يزولياتورىنان كولونياعا اۋىستىرىلدى.