بولاشاق كاسىپكەر بوس ۋاقىتىندا ءوز شەبەرحاناسىندا Ford Quadricycle اتتى جانارمايمەن جۇرەتىن العاشقى اۆتوكولىگىن جاساپ شىعارادى. دوڭگەلەكتەرىنە 4 ۆەلوسيپەد شينالارىن پايدالانادى، موتورى 4 ات كۇشىنە يە جانە كولىك 32 ك م/ساع دەيىن جىلدامدىقتى ەڭسەرە العان. 11 ليترلىك جانارماي بوشكەسى ورىندىقتىڭ استىندا ورنالاسقان.
العاشقى سىناق 1896 -جىلى 4- ماۋسىمدا وتەدى، ءبىراق ءبارى جوسپارلانعانداي بولمايدى. گەنري فورد شەبەرحانا ەسىگىنىڭ ەنىن ەسەپتەمەگەن، ال Ford Quadricycle كولىگى ەسىكتەن سىيماي قالعان. قابىرعانىڭ ءبىر بولىگىن سىندىرۋعا تۋرا كەلەدى. تۋىندىسىنىڭ كوپتەگەن تۇساۋكەسەرىنەن كەيىن فورد 28000 ا ق ش دوللارىن ۇسىنعان ءۇش ينۆەستوردىڭ قولداۋىنا يە بولادى. ول كەزدە دە بۇل از اقشا. التى جىلدان كەيىن گەنري فورد ءوز كومپانياسىن قۇرادى. 1908 - جىلى Ford Model T- ءدىڭ جاپپاي قۇراستىرىلۋى باستالىپ، فوردقا داڭق پەن تانىمالدىلىق اكەلەدى.