بۇل تۋرالى سەناتتىڭ باسپا ءسوز قىزمەتىنەن ءمالىم بولدى، دەپ حابارلايدى قازاقپارات.
كەزدەسۋ بارىسىندا ماۋلەن اشىمبايەۆ راشاد ماممادوۆقا قازاقستان مەن ازەربايجان اراسىنداعى دوستىق قاتىناستى نىعايتۋعا قوسقان زور ۇلەسى ءۇشىن العىس ءبىلدىردى.
«ءبىزدىڭ حالىقتارىمىز اراسىنداعى بايلانىس تەرەڭنەن تامىر تارتادى. تاۋەلسىزدىك العالى بەرى قاتىناسىمىز ءوزارا سەنىم مەن تۇسىنىستىككە نەگىزدەلىپ، جاڭا مانگە جانە ستراتەگيالىق سەرىكتەستىك سيپاتىنا يە بولدى. قازىرگى تاڭدا ەكى ەلدىڭ ءوزارا ىنتىماقتاستىعى تاريحي داستۇرگە تابان تىرەپ، بارلىق سالادا ناتيجەلى دامىپ كەلەدى»، - دەدى ماۋلەن اشىمبايەۆ.
سونىمەن قاتار سەنات ءتوراعاسى پارلامەنتارالىق ىنتىماقتاستىق قازاقستان- ازەربايجان قاتىناسىنداعى ماڭىزدى تەتىكتەردىڭ ءبىرى ەكەنىن ايتتى.
قازىرگى تاڭدا ەكى ەلدىڭ پارلامەنتارالىق بايلانىسى ەكىجاقتى نەگىزدە دە جانە پ ا، ت م د، تۇرك پ ا، ە ق ى ۇ پ ا جانە پارلامەنتارالىق وداق سياقتى حالىقارالىق قۇرىلىمدار اياسىندا دا بەلسەندى دامىپ كەلەدى. ءوز كەزەگىندە، راشاد ماممادوۆ سەنات باسشىلىعىنا ەلشى رەتىندە اتقارعان قىزمەتىنە قولداۋ بىلدىرگەنى ءۇشىن العىسىن جەتكىزدى.
اۆتور: رۋسلان عابباسوۆ