وبلىستىق جەر قويناۋىن پايدالانۋ، قورشاعان ورتا جانە سۋ رەسۋرستارى باسقارماسىنىڭ باسشىسى قادىلجان ساتيەۆ ءمالىم ەتكەندەي، عىلىمي توپتىڭ ۇسىنىسى بويىنشا قانسورعىش جاندىكتەردىڭ دەرناسىلدەرىن ۋلاۋ جۇمىستارى 1 - مامىردا باستالعان.
- بۇگىنگى كۇنى «باكتيتسيد» بيوپرەپاراتىنىڭ 62 تونناسى، حيميالىق پرەپاراتتىڭ 1907 ليترى پايدالانىلدى، - دەدى قادىلجان ساتيەۆ.
- وڭدەلگەن القاپتىڭ اۋدانى 26 مىڭ گەكتاردان استى. بارلىق جۇمىستار جەر قويناۋىن پايدالانۋ باسقارماسى، عىلىمي توپ پەن ارنايى قۇرىلعان جۇمىس توبىنىڭ قاداعالاۋىمەن جۇرگىزىلۋدە. شەنەۋنىك وبلىستاعى شىبىن- شىركەيدىڭ تارالۋىنا قاتىستى جاعدايعا باعا بەرۋدەن باس تارتقانىمەن، ولاردىڭ بيىل كوپتىگىن مويىندادى. ونىڭ سەبەبى رەتىندە قادىلجان ساتيەۆ بيىلعى ەرتىس وزەنىندەگى تابيعي سۋ جىبەرۋ مەرزىمىنىڭ كەش باستالعانىن العا تارتتى.
- قالاي بولعانمەن جۇمىسىمىزعا حالىق ءوز باعاسىن بەرە جاتار، ءبىز قولىمىزدان كەلگەنىن جاساپ جاتىرمىز، - دەدى قادىلجان ساتيەۆ.
- 28 - مامىردان باستاپ قالاداعى ساياباقتاردى قولعا الدىق. مەردىگەر قوسىمشا 2-3 بريگادانى كومەككە الدى. جۇمىس جالعاسۋدا. «ТЕК.А.ТЕК.kz» ج ش س- ءنىڭ عىلىمي توبىنىڭ جەتەكشىسى داۋلەت يبرايەۆ ايتىپ وتكەندەي، بۇگىندە ماسا مەن شىركەيدىڭ دەرناسىلىنە قارسى جۇمىس اياقتالۋعا جاقىن. عىلىمي توپتىڭ بولجامىنشا جاقىندا جاعداي جاقسارماق.