قارجىلىق مونيتورينگ اگەنتتىگى ەلىمىزدىڭ بارلىق اۋماعىندا زاڭسىز ويىن ورىندارىن انىقتاۋ جانە جابۋ بويىنشا شارالار قولدانىپ كەلەدى. الايدا، ەسكى ورىنداردى جاپقاندا، جاڭاسى اشىلادى. بۇل زاڭسىز ويىن بيزنەسىن ۇيىمداستىرۋ سحەمالارىنا كوپ جاعدايدا ەكى تۇلعانىڭ قاتىسۋىمەن بايلانىستى.
بىرىنشىلەرى - بيزنەستى ۇيىمداستىرۋشىلار. ەكىنشىلەرى - جالعا بەرۋشىلەر تۇلعاسىنداعى سىبايلاستار.
بۇل رەتتە، ولار «بيزنەس سحەمانىڭ» قۇربانى بولا وتىرىپ، بار جاۋاپكەرشىلىك جايلى حابارسىز. ق م ا جالعا بەرۋشىلەردىڭ دە زاڭسىز ويىن بيزنەسىنە ءۇي-جايلاردى بەرۋ ءۇشىن قىلمىستىق كودەكستىڭ 307-بابى بويىنشا قىلمىستىق جاۋاپكەرشىلىككە تارتىلۋى مۇمكىن ەكەندىگىن ەسكە سالادى.
جالعا بەرۋشىلەر قىلمىستىق جاۋاپكەرشىلىكتەن قالاي قۇتىلا الادى؟
1. كوممەرتسيالىق ءۇي-جايلاردى جالداۋعا بەرگەندە مىندەتتى تۇردە جالعا بەرۋ شارتىن جاساڭىز.
2. ءۇي-جايدى نەمەسە كوممەرتسيالىق اۋماقتى تەك زاڭمەن رۇقسات ەتىلگەن قىزمەتتى جۇزەگە اسىرۋ ءۇشىن عانا جالعا بەرىڭىز.
3. ەگەر ءسىز ءۇي-جايدى جالعا بەرسەڭىز، ال جالعا الۋشى وندا زاڭسىز ويىن اۆتوماتتارىن قويسا نەمەسە استىرتىن كازينو ۇيىمداستىرسا - تەز ارادا قارجىلىق مونيتورينگ ورگاندارىنا حابارلاسىڭىز. ول ءۇشىن اگەنتتىكتىڭ رەسمي اككاۋنتتارىنا جەكە حابارلامادا فوتو جانە مەكەنجايدى جولداساڭىز نەمەسە 77172708478 سەنىم تەلەفونىنا حابارلاسساڭىز جەتكىلىكتى.
سونداي-اق، بارلىق تەرمينالدار زاڭعا قايشى قىزمەت ەتپەيدى. ۇلتتىق وپەراتور ەل اۋماعىندا ءوزىنىڭ تەرمينالدارى ارقىلى ۇتىس ويىنىن وتكىزۋ قۇقىعىنا يە. ولار سارعىش-كوك ءتۇستى. مىندەتتى تۇردە لوگوتيپ، ءنومىر جانە QR- كود بولۋى كەرەك.