ەگەر اككۋمۋلياتور ۇزاق شىداسىن، ساقتاسىن دەسەڭىز باسقانىڭ قۇرىلعىسىنا جۋىماڭىز. وسىلاي دەپ كەڭەس بەرەدى رەسەي ماماندارى.
بۇل جايلى روسسيسكايا گازەتا باسىلىمىندا جازىلعان.
مامانداردىڭ ايتۋىنشا، ۇيالى تەلەفوندى قۋاتتاۋدا كەتەتىن كوپ قاتەلىكتىڭ ءبىرى - ونى قولعا تۇسكەن قۇرىلعىمەن قۋاتتاي سالۋ.
«قۇرىلعىنىڭ اداپتەرى مەن كابىلى بولىنگەن نەمەسە ساپاسىز ماتەريالدان جاسالعان بولۋى مۇمكىن. مۇنى ءسىز بىلمەيسىز. ال ونىڭ اككۋمۋلياتورعا تيگىزەر زيانى كوپ. سوندىقتان ديەۆايستى قۋاتقا قوياردا قۇرىلعىعا ءمان بەرگەن ءجون»، - دەيدى ماماندار.
قاتەلىكتىڭ تاعى ءبىرى - جالعاستىرعىش تەتىكتەردى قولدانۋ. MicroUSB- ءدى Lightning-كە اينالدىراتىن، اعىتپاسى بار جالعاعىشتاردى وڭدى-سولدى قولدانۋعا بولمايدى. مۇنداي كابىلدىڭ نەدەن جاسالعانىن، ساپاسى قانداي ەكەنىن ساتۋشى دا، باسقا بىرەۋ دە ايتىپ بەرە المايدى.
ال سمارتفوندى قالاي دۇرىس قۋاتتاۋ كەرەك دەگەنگە كەلسەك، رەسەي ماماندارى @-90 قۋات ارالىعىندا توققا قويعان دۇرىس دەگەندى العا تارتادى.
ديەۆايستى تولىق 0 قۋاتتاپ قاجەت ەمەس. كەيدە عانا تولتىرساڭىز بولادى. سوندىقتان سمارتفوندى تۇنىمەن قۋاتتاۋعا بولمايدى. اككۋمۋلياتورعا كەرنەۋ كوپ تۇسەدى دە، ساپاسى ناشارلاي بەرەدى. ەڭ دۇرىسى - مىناۋ: قۋاتى 40 پايىزدان تۇسكەن كەزدە قۋاتقا قويۋ دا، 90 پايىزعا جەتكەن كەزدە اجىراتىپ تاستاۋ، - دەيدى ماماندار.
قازىر كەيبىر سمارتفونداردا 80 پايىزعا دەيىن قۋات جينالعان كەزدە، ءوزى «قۋاتتاۋدى ءوشىرىپ تاستاڭىز» دەپ حابارلايدى. ال كەيبىرى اككۋمۋلياتوردى قۇرتىپ الماس ءۇشىن 80 پايىزعا جەتكەننەن كەيىن، اقىرىنداپ قۋاتتايدى.
«سمارتفوندى كۇن تيمەيتىن جەرگە قويىڭىز. ىستىق نە سۋىق جەرگە دە قويۋعا بولمايدى»، - دەيدى ماماندار.
massaget.kz