ەلوردالىق ۆاكسيناسيالانعان ازاماتتار اراسىندا جۇلدەلەر ويناتىلدى
ۆاكسيناتسيالانعان ازاماتتار ۆاكسيناتسيا العاننان كەيىن بىردەن ۇتىس ويىنىنا قاتىسا الدى. جۇلدەلەر اراسىندا: تۇرمىستىق تەحنيكا، ەلەكترونيكا، س و و جالعا الۋشىلارىنىڭ سىيلىقتارى بار. ەلوردا تۇرعىندارى كاسىپكەرلەردىڭ وسىنداي باستاماسىن جوعارى باعالاپ، باعالى سىيلىقتار ءۇشىن العىسىن ءبىلدىردى.
«11- مامىردا ۆاكسينانىڭ العاشقى كومپونەنتىن الدىم. ماسا شاعىپ العانداي عانا بولدى. جىل سايىن كۇزدە تۇماۋعا قارسى ەكپە الاتىنىم دا بار. بۇگىن كوروناۆيرۋسقا قارسى ۆاكسينانىڭ ەكىنشى كومپونەنتىن الدىم. اۋىرسىنۋ بولعان جوق، قىسىمىم قالىپتى. مەن ءتىپتى ۇتىس ويىنىندا شاينەك سەكىلدى سىيلىق الامىن دەپ كۇتكەن جوقپىن. وتە قۋانىشتىمىن! تانىستارىمنىڭ ءبارىن ۆاكسينا قابىلداۋعا شاقىرامىن، ويتكەنى بارىمىزگە ۇجىمدىق يممۋنيتەت قاجەت»، - دەدى 69 جاستاعى زەينەتكەر لاريسا ۆاسيليەۆنا.
ەلوردانىڭ تاعى ءبىر تۇرعىنى بيبىگۇل احمەتوۆا ۆاكسيناتسيادان كەيىن سىيلىق الامىن دەپ ويلاماعانىن اتاپ ءوتتى.
«بۇگىن ۆاكسينانىڭ ەكىنشى كومپونەنتىن الۋعا كەلدىم. ال العاشقى دوزاسىنان كەيىن كەرى اسەرى بولعان جوق. قازىر ءوزىمدى جاقسى سەزىنەمىن. بۇل جەردە ۇتىس ويىنى وتەدى دەپ كۇتپەگەن ەدىم. قاتتى تاڭ قالدىم. سىيلىق ءۇشىن راحمەت!» - دەدى ايەل.
اكسيانى ۇيىمداستىرۋشىلار اتاپ وتكەندەي، ۇتىس ۆاكسيناتسيادان وتكەن ادامداردى ىنتالاندىرىپ، جاقسى كوڭىل- كۇي سىيلاۋ ءۇشىن وتكىزىلەدى.
قالالىق ەمحانانىڭ دارىگەر- ەپيدەميولوگى پەريزات شاحمانوۆانىڭ ايتۋىنشا، ۆاكسيناتسيا پۋنكتەرىندە سپۋتنيك V، QazVac جانە Hayat-Vax ۆاكسينالارى ۇسىنىلادى. ەگۋ پۋنكتى اشىلعاننان كەيىن ءبىر اي ىشىندە 300-گە جۋىق ادام ەكپە قابىلدادى.