الماتى- قورعاس جولىندا ەكى ادام كولىكتە ورتەنىپ كەتتى

تالدىقورعان. قازاقپارات - الماتى- قورعاس جولىندا ەكى ادام كولىكتە جانىپ كەتتى، دەپ حابارلايدى قازاقپارات ءتىلشىسى. وقيعا ورنىنان الەۋمەتتىك جەلىلەردە ۆيدەو تارادى.

«2021 -جىلدىڭ 3-ماۋسىمدا ساعات 17:59-دا الماتى وبلىسىنىڭ ت ج د ەڭبەكشىقازاق اۋدانىندا «الماتى- قورعاس» اۆتوجولىنىڭ 82-شاقىرىمىندا جەڭىل اۆتوكولىكتىڭ ورتەنگەنى تۋرالى حابارلاما كەلىپ ءتۇستى. شاقىرۋ ورنىنا الماتى وبلىسى ت ج د 4 قىزمەتكەرى مەن 1 تەحنيكا شىقتى. جاقىن جەردەگى ءورت ءسوندىرۋ بولىمىنەن قاشىقتىق 45 ك م قۇرادى. ءورت ورنىندا، اۆتوكولىك سالونىندا 2 جولاۋشىنىڭ جانىپ كەتكەن دەنەسى تابىلدى»، - دەدى الماتى وبلىسى ت ج د باسپا ءسوز قىزمەتىنىڭ حابارلاماسىندا.

ءورتتىڭ شىعۋ سەبەبى انىقتالۋدا. اتالعان ۆەدومستۆو قىزمەتىنىڭ وكىلدەرى ازاماتتاردان ءورت قاۋىپسىزدىگى ەرەجەلەرىن ساقتاۋدى سۇرايدى