قوقيقاز مەكەنى: اقمولا وبلىسىندا تۋريزم سالاسى قارقىندى دامىپ كەلەدى
ۆەدومستۆونىڭ مالىمەتىنشە، ءوڭىردىڭ باي تابيعي- مادەني مۇراسىنا جۇرتشىلىقتىڭ نازارىن اۋدارۋ ارقىلى ىشكى ءتۋريزمدى تانىمال ەتۋ جانە دامىتۋ ماقساتىنداعى شارا بارىسىندا ءار ءتۇرلى قالادان قوعامدىق پىكىر كوشباسشىلارى مەن ورنيتولوگتار كەلدى. قوناقتار 30 ادامعا ارنالعان بولمەلى، اسحانا، جىلىجايى بار قوناق ۇيگە ورنالاستىرىلدى.
مەيماندار قورعالجىن مەملەكەتتىك تابيعي قورىعى ورنالاسقان UNESCO الەمدىك تابيعي مۇراسىنىڭ ءبىر بولىگى، IBA نەگىزگى ورنيتولوگيالىق اۋماعى سانالاتىن، ق ر اۋماعىنداعى 511 قۇستىڭ 300 دەن استام ءتۇرى مەكەندەيتىن وڭىرگە ساياحات جاسادى. قورعالجىن دەسە كوپ ادامنىڭ ويىنا الدىمەن قورىق پەن ونى مەكەندەيتىن قوقيقازدىڭ كەلەتىنى راس. سەبەبى اتالعان مەكەن قازاقستان اۋماعىندا عانا ەمەس، الىس- جاقىن شەتەلدە دە كەڭىنەن تانىس. بۇل وڭىرگە اسىرەسە شەتەلدىكتەر كەلۋگە ىنتالى. تۋر بارىسىندا قوعام قايراتكەرى، ەلىمىزدىڭ دەلفييلىك قوزعالىسىنىڭ كوشباسشىسى، قورعالجىن ەكولوگيالىق وبسەرۆاتورياسىنىڭ نەگىزىن قالاۋشى قۇرالاي تۇسپەكوۆا دوستارىنا وسى تاڭعاجايىپ ولكەگە بارۋدىڭ 21 سەبەبىن ايتىپ بەردى.
«پاندەمياعا دەيىن قورعالجىنعا جىلىنا 5 مىڭ شەتەلدىك تۋريست كەلەتىن. جىلدىڭ مامىر مەن قىركۇيەك ايىنىڭ ارالىعى تۋريستىك ماۋسىم بولىپ تابىلادى. ەكىنشىدەن، سىرتتان كەلەتىن تۋريستەردى جەرگىلىكتى حالىقتىڭ سالت- ءداستۇرى، تۇرمىس- تىرشىلىگى مەن ۇلتتىق تاعامى قىزىقتىرادى. سول ءۇشىن دە ءبىز دايىندالىپ، ۇلتتىق ەرەكشەلىكتەرىمىزدى، قازاقيلىعىمىزدى بارىنشا جوعارى دەڭگەيدە كورسەتۋگە تىرىسامىز»، - دەدى قۇرالاي تۇسپەكوۆا.
قوناقجايلىق تانىتقان قورعالجىندىقتارعا قوعامدىق پىكىر كوشباسشىلارى مەن ورنيتولوگتار ريزاشىلىعىن ءبىلدىردى.