قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ Telegram-كانالىندا ىندەتكە قاتىستى الەمدەگى احۋال تۋرالى اقپارات ۇسىنىلدى، دەپ حابارلايدى قازاقپارات.
رەسەيدەپاندەمياعا بايلانىستى ەنگىزىلگەن شەكتەۋلەر ۆاكسينا الۋعا ءتيىستى حالىقتىڭ كوپ بولىگى ەكپە سالدىرعاننان كەيىن ءىشىنارا الىنىپ تاستالۋى مۇمكىن.
بۇل تۋرالى رەسەي فەدەراتسياسىنىڭ دەنساۋلىق ساقتاۋ ءمينيسترى ميحايل مۋراشكو مالىمدەدى.
«ەگەر حالىقتىڭ ` ۆاكسينا السا، وعان اۋرۋدان ساۋىققاندار سانى قوسىلسا، ءبىز ءىس جۇزىندە جاقسى يممۋنيتەت قالىپتاستىرامىز. ارينە، ەپيدجاعدايعا دا قارايمىز. ءبىراق ءبىز ءارتۇرلى سالانى قامتيتىن شەكتەۋلەردى جەڭىلدەتۋىمىز كەرەك»، - دەدى ول.
يسپانيادا تۇنگى ءومىر قايتا جاندانادى. ءبىرقاتار قالادا ويىن-ساۋىق ورىندارى جۋىردا ءوز جۇمىسىن باستايدى. شەكتەۋ تالاپتارى 14 كۇن ىشىندە 100000 تۇرعىنعا شاققاندا ينفەكسيانى جۇقتىرۋدىڭ 50 دەن كەم وقيعاسى تىركەلگەن ايماقتاردا عانا جەڭىلدەتىلەدى.
يسپانيادا تۇنگى كلۋبتاردىڭ جۇمىسى 2020-جىلدىڭ تامىزىنان باستاپ توقتاپ تۇر. ەندى بارلارعا تۇنگى ساعات 3:00 گە دەيىن جۇمىس ىستەۋگە رۇقسات بەرىلەدى.
بۇكىل الەمدە ەنگىزىلگەن ۇزاق مەرزىمدى لوكداۋندار قالالارداعى قىلمىس دەڭگەيىنىڭ تومەندەۋىنە سەپتىگىن تيگىزدى.
كەمبريدج جانە ۋترەحت عالىمدارى جەتەكشىلىك ەتكەن حالىقارالىق زەرتتەۋگە قاتىسۋشىلار وسىنداي قورىتىندىعا كەلدى.
ساراپشىلار بارسەلونا، چيكاگو، سان-پاۋلۋ، تەل-اۆيۆ جانە گاننوۆەر سياقتى 27 ءىرى قالانىڭ دەرەكتەرىن تالدادى.
ماسەلەن، پاندەميا كەزىندە بۇزاقىلىق شابۋىلدار سانى 5، ال قالتا ۇرلىعى ەكى ەسە ازايعان.
زەرتتەۋشىلەردىڭ پىكىرىنشە، جوعارىدا اتالعان قىلمىستاردىڭ كوپشىلىگى كوشەدە جاسالاتىندىقتان، پاندەميا كەزىندە ولاردىڭ سانى ازايىپ وتىر. قايىرىمدىلىق مارافونى اياسىنداعى COVAX ونلاين- كونفەرەنسياسىندا قوسىمشا 2,4 ميلليارد دوللار جينالدى.
COVAX ۆاكسينالارىنا تەڭ قول جەتكىزۋدىڭ حالىقارالىق باعدارلاماسىنىڭ دونورلارى جوسپارلانعان سومادان 400 ميلليونعا ارتىق قاراجات جينادى. بۇل قاراجاتقا كوروناۆيرۋسقا قارسى COVAX ۆاكسيناسىنىڭ 1,8 ميلليون دوزاسىنا تاپسىرىس بەرە الادى.
جاپونيانىڭ جانە GAVI ۆاكسينالار مەن يممۋنداۋ جونىندەگى جاھاندىق اليانستىڭ باستاماسىمەن ۇيىمداستىرىلعان كونفەرەنسيانىڭ ماقساتى قازىردىڭ وزىندە جينالعان 6,3 ميلليارد دوللارعا قوسىمشا 2 ميلليارد دوللار جيناۋ بولدى.
وسى اقشاعا ساتىپ الىناتىن ەكپەلەر 90 نان استام كەدەي ەلدەر حالقىنىڭ شامامەن 0 قورعاي الادى.
شۆەيتساريا رەكورد ورناتتى. مۇندا COVID-19 پاندەمياسى باستالعالى العاش رەت ىندەتتەن مەرت بولۋدىڭ بىردە-ءبىر وقيعاسى تىركەلگەن جوق.
فەدەرالدى دەنساۋلىق ساقتاۋ باسقارماسىنىڭ مالىمەتىنشە، وتكەن تاۋلىكتە ينفەكسيانى جۇقتىرۋدىڭ 717 جاڭا جاعدايى انىقتالدى. SARS- CoV-2 كوروناۆيرۋس ينفەكسياسى تارالا باستاعاننان بەرى ىندەتتى جۇقتىرعانداردىڭ جالپى سانى 696213 ادامدى قۇرادى، 10268 ناۋقاس قايتىس بولدى.