بۇل تۋرالى سيفرلىق دامۋ، يننوۆاتسيالار جانە ايەروعارىش ونەركاسىبى ءمينيسترى باعدات مۋسين حالىق الدىنداعى ەسەپتىك كەزدەسۋىنىڭ قورىتىندىسىندا ايتتى، دەپ حابارلايدى قازاقپارات ءتىلشىسى.
«ءبىز دەنساۋلىق ساقتاۋ مينيسترلىگىمەن بۇل جۇمىستى جۇرگىزىپ جاتىرمىز. كەلەسى اپتانىڭ باسىندا بىزدە بارلىق ۆاكسينا العان ادامدار Ashyq قوسىمشاسىندا «جاسىل» مارتەبەگە يە بولادى. قازىر ءبىز ونى Ashyq فۋنكسياسى دەپ اتايمىز. سەبەبى ول بىرنەشە قوسىمشالاردا قولجەتىمدى بولادى»، - دەدى باعدات مۋسين ب ا ق وكىلىنىڭ ساۋالىنا بەرگەن جاۋابىندا.
سونىمەن قاتار، «ۇلتتىق اقپاراتتىق تەحنولوگيالار» ا ق باسقارما ءتوراعاسى روستيسلاۆ كونياشكين بۇگىنگى تاڭدا نەگىزگى ينتەگراتسيالىق جۇمىستار اياقتالعانىن، جۇمىستىڭ تەك سوڭعى بولىكتەرى قالعانىن جەتكىزدى.
اۆتور: ەسىمجان ناقتىباي