قازاقستاندا قۇراستىرىلعان كولىكتەر باعاسى نەگە قىمباتتاپ بارادى
«بىزدە كولىك قۇراستىرۋدىڭ وقشاۋلانۋى 35-43 پايىزدى قۇرايدى. ياعني، قازاقستاندىق اۆتوكومپونەنتتەردىڭ قولدانىلۋ كورسەتكىشى تومەن بولعاندىقتان باعانى تۇراقتى ۇستاي الماي وتىرمىز. اۆتوبولشەكتەردى شەتەلدەن يمپورتتايمىز. سول سەبەپتى كولىك باعاسى تومەندەمەي تۇر. ءبىراق، كولىك قۇرالدارىن قۇراستىرۋ كەلىسىمىنە سايكەس، وقشاۋلانۋدى 50 پايىزعا جەتكىزگەننەن كەيىن باعاعا قاتىستى ءىس- شارالار قولدانا الاتىن بولامىز. سوندا باعا قالىپقا كەلەدى دەپ ويلايمىز»، - دەدى امانياز ەرجانوۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتى بارىسىندا.
سونىمەن قاتار ۆيتسە- مينيستر كولىك قۇراستىرۋدىڭ وقشاۋلانۋى 50 پايىزعا جەتكەن كەزدە وتاندىق اۆتوموبيلدەر باعاسىنىڭ قانشا پايىزعا تومەندەيتىندىگى نارىققا بايلانىستى ەكەندىگىن باسا ايتتى. «وقشاۋلانۋ 50 پايىزعا جەتكەندە كولىك باعاسى مىنشا پايىزعا ارزاندايدى دەپ ايتا المايمىن. ءبىراق، نارىق سۇرانىسىنا، شىعارىلعان ءار كولىك مودەلىنىڭ قوسىلعان قۇنىنا بايلانىستى باعا تومەندەۋى مۇمكىن دەپ ەسەپتەيمىز»، - دەدى ول.
بيىل ماشينا جاساۋ سالاسى 12 پايىزعا وسەدى.
«ماشينا جاساۋ سالاسى بويىنشا 12 پايىزعا وسەدى دەپ كۇتىلۋدە. كولىك قۇرالدارى ءوندىرىسىنىڭ كولەمىن 34، اككۋمۋلياتورلاردى 11، تەمىر جول ۆاگوندارىن 127، اۋىل شارۋاشىلىعى تەحنيكاسىن 58 پايىزعا ۇلعايتۋ جوسپارلانعان. نەگىزگى ءوسىم اۆتوموبيل جاساۋ سەكتورى ەسەبىنەن قامتاماسىز ەتىلەتىن بولادى. ونىڭ ۇلەسى ماشينا جاساۋ سالاسىندا 35 پايىزدى قۇرايدى»، - دەدى مينيستر.
ونىڭ اتاپ وتۋىنشە، بيىل وتاندىق وندىرۋشىلەردەن ساتىپ الىنعان اۆتوموبيلدەردى ليزينگتىك قارجىلاندىرۋ باعدارلاماسى جالعاستىرىلادى. ول ءۇشىن 35 ميلليارد تەڭگە بولىنگەن.
«سونداي- اق ليفتىلەر، ەلەكتر جانە مۇناي- گاز جابدىقتارى، اۆتوبۋستار سىندى ماشينا جاساۋ تاۋارلارىن ۇلتتىق رەجيمنەن الىپ قويۋ بەلگىلەنەدى»، - دەدى بەيبىت اتامقۇلوۆ.
اۆتور: مارلان جيەمباي