بۇل تۋرالى حالىققا ەسەپ بەرۋ كەزدەسۋىندە ق ر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ ايتتى، دەپ حابارلايدى قازاقپارات ءتىلشىسى.
«ازاماتتىق اۆياتسيا پاندەمياعا بايلانىستى ەڭ كوپ زارداپ شەككەن سالالاردىڭ ءبىرى بولدى. 2020 -جىلى توتەنشە جاعداي كەزىندە ىشكى جانە حالىقارالىق رەيستەر توقتاتىلدى. بۇل تاسىمالداۋ كولەمىنە اسەر ەتتى. وسى جىلدىڭ باسىنان باستاپ ۇشۋدى بىرتىندەپ قالپىنا كەلتىرگەننەن كەيىن نەگىزگى كورسەتكىشتەردىڭ ءوسۋى بايقالادى. 2021 -جىلدىڭ 4 ايىندا تاسىمالدانعان جولاۋشىلار سانى 47 پايىزعا ارتتى. 2,5 ميلليون جولاۋشى تاسىمالداندى. اۋەجايلاردا قىزمەت كورسەتىلگەن جولاۋشىلار سانى 39 پايىزعا ءوستى»، - دەدى مينيستر.
ونىڭ اتاپ وتۋىنشە، بۇگىندە ىشكى رەيستەر تولىعىمەن قالپىنا كەلدى. سونداي- اق، 14 ەلمەن اپتاسىنا 123 رەيس جيىلىگىمەن 43 مارشرۋت بويىنشا حالىقارالىق رەيستەر جاڭارتىلدى. «ەپيدەميولوگيالىق احۋالدى ەسكەرە وتىرىپ، اۋە قاتىناسىن ودان ءارى قالپىنا كەلتىرۋ جونىندە دايەكتى شارالار قابىلدانىپ جاتىر. جازعى جانە ەڭبەك دەمالىسى كەزىندە ازاماتتارىمىزى بۇل جايت الاڭداتىپ وتىرعانىن بىلەمىن. بۇل باعىتتا مينيسترلىك جۇمىس ىستەپ جاتىر. تاياۋ ۋاقىتتا ۆەدومستۆوارالىق كوميسسيا شەشىمىنەن كەيىن جاڭا باعىتتار نەمەسە ازاماتتاردىڭ ءجيى قولداناتىن، ءبىراق ءقازىر جابىق تۇرعان باعىتتاردىڭ اشىلعانىن ەستيسىزدەر. قازىرگى ۋاقىتتا ءتيىستى جۇمىستى كورشىلەس مەملەكەتتەردىڭ مينيسترلىكتەرى دەڭگەيىندە شەشىپ جاتىرمىز»، - دەدى بەيبىت اتامقۇلوۆ.
اۆتور: مارلان جيەمباي