بالاڭىز قارجىلىق تۇرعىدا ساۋاتتى بولسىن دەسەڭىز
سالالىق رەسۋرس اتا-انالاردىڭ بالالاردى قارجىلىق ساۋاتتىلىق نەگىزدەرىنە ۇيرەتەتىن نەگىزگى سەگىز ەرەجەنى كورسەتكەن.
1№ ەرەجە - ءىس ارەكەتپەن ۇلگى بولۋ.
مۇنداعى باستى كەڭەس - ەرەسەك ادامنىڭ ءوزى قارجىلىق تۇرعىدان ساۋاتتى بولۋى كەرەك.
«ەگەر وزىڭىزدە بيۋجەتتى جوسپارلاۋدىڭ قاراپايىم داعدىلارى بولماسا، بالالارىڭىزدىڭ ۇزاق مەرزىمدى جوسپارلاۋدىڭ نە ەكەنىن ءتۇسىنۋى قيىنداۋ بولادى. ەگەر وتباسىڭىزدا قارجى ماسەلەسى رەتتەلگەن بولسا، بالاڭىز دا ەسەيگەندە سوعان ۇمتىلادى»، - دەپ جازادى Fingramota.kz.
2№ ەرەجە - اقشا جايىندا تانىمدىق ويىندار ارقىلى اقپارات ءسىڭىرۋ.
سول ويىنداردىڭ كومەگىمەن جالعان اقشا مەن شىنايى اقشانىڭ ايىرماشىلىعىن، اقشانىڭ قايدان كەلىپ جاتقانىن، اقشاعا ەڭ ءبىرىنشى كەزەكتە نە ساتىپ الۋ ماڭىزدى ەكەنىن ءتۇسىندىرۋ ۇسىنىلعان.
3№ ەرەجە - بالانى اقشا جيناي باستاعانىن كوتەرمەلەۋ.
«بالاڭىزدىڭ ارمانداپ جۇرگەن زاتىن الۋى ءۇشىن اقشا جيناۋعا ۇيرەتىڭىز. مۇندايدا سىزگە اقشا- قورجىن نەمەسە قاراپايىم شىنى بانكا كومەكتەسەدى. باستىسى ىدىستىڭ ىشىندەگى اقشا بىرتىندەپ كوبەيىپ كەلە جاتقانى كورىنىپ تۇرۋى كەرەك»، - دەپ جازادى اۆتور.
4№ ەرەجە - كۇندەلىكتى شىعىندى ءتيىمدى جوسپارلاۋ داعدىسىن ۇيرەتۋ.
ول ءۇشىن اپتالىق «قالتاپۇل» بەرۋ ۇسىنىلعان. ەگەر بالا بارلىق اقشاسىن ءبىر كۇننىڭ ىشىندە جۇمساپ قويسا، اقشاسىز وتىرا تۇرۋعا تۋرا كەلەدى.
5№ ەرەجە - بالانى ءوز بەتىمەن ساۋدا جاساۋعا بەيىمدەۋ.
مۇنداعى باستى قاعيدا - ءوزى جيناعان اقشاعا ءوز قالاعان دۇنيەسىن العىزۋ.
6№ ەرەجە - ءوز بيۋجەتن باسقارۋدى ۇيرەتۋ.
«بالاعا ءسىز بەرگەن اقشا نەمەسە تۋىستارى تۋعان كۇنىنە سىيعا بەرگەن اقشا - تولىعىمەن وزىنىكى ەكەنىن ۇقتىرۋ كەرەك. دەمەك، كەز كەلگەن شەشىم ءۇشىن بالا ءوزى جاۋاپتى بولادى. ءوزىڭىزدىڭ مىسالىڭىز ارقىلى وتباسىلىق بيۋجەتتى قالاي جۇرگىزەتىنىڭىزدى، ەڭبەك اقىسىن قالاي ۇلەستىرەتىنىڭىزدى ايتا الاسىز. قانشا اقشاڭىز مىندەتتى تولەمدەرگە كەتەدى، قانشاسىن ەڭبەك دەمالىسىنا ساقتاپ قوياسىز»، - دەپ جازىلعان نۇسقاۋلىقتا.
7№ ەرەجە - بالانىڭ قاتەلەسۋ قۇقىعىن سىيلاۋ.
ماماندار بۇل جەردە بالانىڭ اقشا ماسەلەسىنە كەلگەندە كوزقاراسى اتا-انانىڭ كوزقاراسىڭىزدان ەرەكشە بولۋى مۇمكىن ەكەنىن ەسكەرتەدى.
وسىنى ەسكەرىپ، ونىڭ جاساعان ارەكەتتەرىن سىناماۋ كەرەكتىگى ايتىلعان.
«مىسالى، ەگەر ول قانداي دا ءبىر ماڭىزدى ءارى ءىرى ساۋداعا جيناۋعا جوسپارلاعان اقشاسىن ءبىر ساتتىك قالاۋىنا جۇمساعان بولسا، وعان ۇرىسپاڭىز. ول ءۇشىن ەندى اقشا جيناۋ مەرزىمى قانشالىقتى ۇزارعانىن بىرگە ساناڭىزدار دا، اقشا تابۋدىڭ جاڭا مۇمكىندىكتەرىن تابۋعا كومەكتەسىڭىز»، - دەپ جازادى Fingramota.kz.
8№ ەرەجە - قوسىمشا تابىس نۇسقالارىن ۇسىنۋ.
«جۇمىستى بىردەن بەلگىلەپ، سومانى انىقتاعان دۇرىس. مىسالى، مىندەتتى تۇردە ءيتتى سەرۋەندەتۋ، ءۇي جانۋارلارىن كۇتۋ، باۋىرلارى مەن قارىنداستارىنا قاراۋ، اجەسىنە باقشا جۇمىستارىندا كومەكتەسۋ جانە ت. ب. ەڭ ماڭىزدىسى، ءسىز «تاريفتەردى» كوڭىل-كۇيىڭىزگە قاراي اۋىستىرماۋىڭىز كەرەك. وسى قاراپايىم، ءبىراق نەگىزگى ەرەجەلەردى ساقتاپ، ءسىز بالانىڭ جاستايىنان اقشاعا دەگەن دۇرىس قاتىناسىن ورناتاسىز»، - دەلىنگەن حابارلامادا.