فرانسيا ەكىنشى بوستاندىق ءمۇسىنىن ا ق ش- قا جىبەرەدى
ا ق ش- تاعى ايگىلى ءمۇسىننىڭ «ەگىزى» 10 جىلعا دەيىن وسى ەلدە ساقتالادى.
BFMTV- ءدىڭ حابارلاۋىنشا، امەريكا قۇراما شتاتتارىنا جىبەرىلەتىن ءمۇسىن - ⅩⅨ عاسىردىڭ سوڭىندا گيۋستاۆ ەيفەل جاساعان ءتۇپ نۇسقا بوستاندىق ءمۇسىنىنىڭ الدەقايدا كىشىرەك كوشىرمەسى. ونىڭ بيىكتىگى نەبارى 2,83 مەتردى قۇرايدى. بۇگىنگە دەيىن ول پاريج كوشەلەرىنىڭ بىرىنە تۇرعان.
ءمۇسىن ا ق ش- قا تاۋەلسىزدىك كۇنى، 4- شىلدەدە جەتەدى. ول نيۋ-يورك ماڭىنداعى ەلليس ارالىنداعى ۇلتتىق كوشى-قون مۇراجايىندا ورناتىلادى جانە 10 جىل بويى سول جەردە ساقتالادى.
بوستاندىق ءمۇسىنىن امەريكاعا 1886-جىلى فرانسيا ۇكىمەتى ا ق ش تاۋەلسىزدىك دەكلاراتسياسىنىڭ 100 جىلدىعىنا سىيلىق رەتىندە جىبەرگەن. 135 جىلدان كەيىن فرانسيا ەكى ەل اراسىنداعى دوستىقتى راستاۋ ءۇشىن ا ق ش- قا تاعى ءبىر بوستاندىق ءمۇسىنىن جىبەرگەلى وتىر.
بوستاندىق ءمۇسىنى نيۋ-يورك شىعاناعىنداعى ليبەرتي ارالىندا ورنالاسقان. ءمۇسىننىڭ بيىكتىگى 46 مەتر، ال تۇعىرمەن 93 مەتر. ول 1984-جىلدان باستاپ يۋنەسكونىڭ بۇكىل الەمدىك مۇرالار تىزىمىنە ەنگىزىلگەن.
massaget.kz