جەتىسايدىڭ قاربىزى رەسەيگە جونەلتىلىپ جاتىر

جەتىساي. قازاقپارات - جەتىساي اۋدانى اتامەكەن اۋىلدىق وكرۋگىندە ورنالاسقان قوعالى اۋىلىنىڭ ديقانى لەونيد شين ءوز يەلىگىندەگى 2 گەكتار جەردەن 25 توننا ءونىم العان، دەپ حابارلايدى قازاقپارات.

پلەنكا استىنداعى ەرتە پىسەتىن قاربىز ەككەن ول جيىن-تەرىم جاساپ، ءونىمدى رەسەي فەدەراتسياسىنا جونەلتىپ جاتىر.

«ناۋرىز ايىنىڭ باسىندا 55 كۇندە پىسەتىن «ۆيكتوريا» اتتى قاربىز سورتىن ەكى قابات پلەنكا استىنا ەكتىم. اۋا رايى قولايسىز بولعان كەزدە ءونىم دالادا قالماسا ەكەن دەپ ازداپ ۋايىمدادىم. ءساتىن سالىپ، ءبارى ويداعىداي بولدى. ساتىلىم باعاسى دا كوڭىلىمنەن شىقتى»، - دەيدى شارۋا.

ايتا كەتەيىك، جەتىساي اۋدانى بويىنشا اۋىل شارۋاشىلىعى ماقساتىندا 78500 گەكتار اۋماققا ەگىس ەگۋ جوسپارلانعان.

سونىڭ 22 مىڭ گەكتارىنا باقشا داقىلدارى ەگىلگەن. ونىڭ ىشىندە، 14378 گەكتارىنا پلەنكا استىناداعى قاۋىن، ال، 4900 گەكتارعا قاربىز ەگىلگەن. اۋدان بويىنشا قازىرگى تاڭدا 50 گەكتار اۋماقتا قاربىز بەن 15 گەكتار ەگىستىكتە قاۋىن پىسۋگە جاقىن.