دارەتحاناسى دالادا ورنالاسقان مەكتەپ بولماۋى ءتيىس – ايماعامبەتوۆ

نۇر- سۇلتان. قازاقپارات - ءبىر جىلدىڭ ىشىندە ەلىمىزدە 1600 مەكتەپتە جىلى دارەتحانا سالىندى. بۇل تۋرالى حالىققا ەسەپ بەرۋ كەزدەسۋىندە ق ر ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.

«ارينە، جىلى دارەتحانالارعا قاتىستى كوپ ماسەلە بولدى، ءالى دە قالىپ وتىر. پرەزيدەنت تاپسىرماسى بار ەكەندىگىن بىلەسىزدەر. وسىدان 1 جىل بۇرىن عان ەلىمىزدە دالادا ورنالاسقان 1700 دارەتحانا بولعان ەدى. ءبىر جىلدىڭ ىشىندە 1600 جىلى دارەتحانا سالىندى. جەرگىلىكتى اتقارۋشى ورگاندار ۇلكەن جۇمىس جۇرگىزدى»، - دەدى اسحات ايماعامبەتوۆ.

دەگەنمەن، ول ءالى دە بولسا 100 مەكتەپتىڭ دارەتحاناسىنا قاتىستى پروبلەما قالىپ وتىرعاندىعىن ايتتى.

«قازىر قۇرىلىس جۇمىستارى جۇرگىزىلىپ جاتىر. ءبىز تاياۋ ۋاقىتتا، ارى كەتكەندە 1 - قىركۇيەكتە بۇل تاپسىرمان تولىق شەشۋ تاپسىرماسىن شەشتىك. تاياۋدا عانا بۇل ماسەلەنى ق ر ۇكىمەت جانىندا جۇمىس ىستەيتىن بالالار قۇقىقتارىن قورعاۋ جونىندەگى كوميسسيادا قارادىق»، - دەدى مينيستر. اۆتور: مارلان جيەمباي