سەمەيدەگى يادرولىق مەديتسينا ورتالىعىندا ەكولوگيالىق اپات بولا جازداعان
د. سەرىكبايەۆ اتىنداعى شقتۋ ماماندارى مەن پروفەسسورلارى سەمەيدەگى يادرولىق مەديتسينا ورتالىعىن نەگە ەرتە ىسكە قوسۋ مۇمكىن بولماعانىن ءتۇسىندىرىپ بەردى. بەلگىلى بولعانداي، جاۋاپسىز مەردىگەرلەردىڭ كەسىرىنەن مەديتسينالىق مەكەمە قاۋىپتى رادياتسيا كوزىنە اينالىپ قانا قويماي، ءبىر ساتتە كۇلى كوككە ۇشىپ كەتۋى مۇمكىن ەدى.
سيكلوتروندى، سۇيىق راديواكتيۆتى قالدىقتاردى جيناۋ جانە ساقتاۋ جۇيەسىن، پوزيتروندى- ەميسسيالىق توموگرافتى جانە گامما- كامەرانى مونتاجداۋ كەزىندە ولقىلىقتار انىقتالعان. بۇرىنعى مەردىگەرلەردىڭ جوباعا مۇلدەم نەمقۇرايلى قاراعانىن تەك جەرگىلىكتى ماماندار عانا ەمەس، ماگاتە مەن بىرەگەي جابدىق ءوندىرۋشى فيرمالاردىڭ وكىلدەرى دە راستاپ وتىر.
«ءوزىم كوميسسيا قۇرامىنا كىرگەن كەزدەگى جاعدايمەن قازىرگىنى سالىستىرساق جەر مەن كوكتەي. رادياتسيا شىعىپ، ورتالىقتىڭ قىزمەتكەرلەرى مەن پاتسيەنتتەرىنە ۇلكەن زيان كەلۋى مۇمكىن ەدى»، - دەيدى ش ق ت ۋ پروفەسسورى ۆالەنتينا كولپاكوۆا. 16 رەت سوت وتىرىسى وتكەننەن كەيىن جوبانىڭ باس مەردىگەرى «يرتىشگەسستروي» ج ش س ديرەكتورى مەملەكەتكە 2,5 ميلليارد تەڭگە كولەمىندە زالال كەلتىرگەنى ءۇشىن 8,5 جىلعا باس بوستاندىعىنان ايىرىلدى.
«رادياتسيالىق ساۋلەلەنۋدەن قورعاۋ ءۇشىن پليتانىڭ جوبالىق قالىڭدىعى ساقتالماعان. ول بەتوننان جاسالىپ، قالىڭدىعى 2,5 مەتر بولۋى ءتيىس. ەگجەي- تەگجەيلى زەرتتەۋ كەزىندە بەتوننىڭ تەك سەگىز سانتيمەتر، ال قالعانى كوبىك ەكەندىگى انىقتالدى. سونىمەن قاتار سيكلوتروندى تەك ءوندىرۋشى كومپانيا عانا قامتاماسىز ەتە الادى. ولار كەلىپ، قۇرىلعىنىڭ قانداي جاعدايدا ەكەنىن جانە وعان ۇزاق ۋاقىت بويى سۋ تامشىلاپ جاتقانىن كورگەننەن كەيىن، كەپىلدىك بەرۋدەن جانە قىزمەت كورسەتۋدەن باس تارتتى. سوندىقتان جاڭا سيكلوتروندى ساتىپ الۋ قاجەت بولدى. الەمدە وسىنداي 41 اگرەگات بار. ونىڭ ءبىرى ءبىزدىڭ ورتالىقتا»، - دەدى ق ر ۇلتتىق يادرولىق ورتالىعى ءوتب باسشىسى وكسانا جۋرينا.
بۇرىنعى مەردىگەر Siemens شىعارعان پوزيتروندى ەميسسيالىق توموگرافتى جانە symbia گامما- كامەراسىن ورناتۋ كەزىندە ولقىلىقتارعا جول بەرگەن. ناتيجەسىندە، ءوندىرۋشى كريستالدار مەن بفەكت جۇيەسىن اۋىستىرۋ قاجەتتىلىگى تۋرالى ساراپتامالىق قورىتىندى جاسالدى. ونى جاڭا مەردىگەر «فيرما ازيا» ج ش س ءوندىردى.
«يادرولىق مەديتسينا جانە ونكولوگيا ورتالىعىنىڭ قۇرىلىسى ۇزاققا سوزىلعان. ونىڭ ءوز سەبەبى بار. ەڭ نەگىزگىسى - ادامداردىڭ ءومىرى مەن دەنساۋلىعىنا قاۋىپ ءتوندى. قازىر نىسان پايدالانۋعا بەرىلگەن. ساۋىردە راديونۋكليدتىك دياگنوستيكا بولىمشەسى جۇمىسىن باستادى. ەندى جاقىن ارادا راديونۋكليدتىك تەراپيا بولىمشەسى ىسكە قوسىلادى. ءۇشىنشى كەزەڭدە تسيكلوتروندىق كەشەن راديوفارمپرەپاراتتاردى ءوندىرۋ جانە ولاردىڭ ساپاسىن باقىلاۋ بلوگى، پوزيتروندىق- ەميسسيالىق توموگراف جۇمىسىن باستايدى. قازىر جابدىقتى ىسكە قوسۋعا قاجەتتى قۇجاتتار راسىمدەلىپ جاتىر. ورتالىق تولىق ىسكە قوسىلعاننان كەيىن جىلىنا 6600 پاتسيەنتتى قابىلداي الادى»، - دەپ حابارلادى ش ق و اقپارات ورتالىعى.