ب ۇ ۇ مەتەورولوگتارى: الداعى بەس جىل رەكوردتىق دەڭگەيدە جىلى بولادى
ب ۇ ۇ- نىڭ مامانداندىرىلعان مەكەمەسى بولىپ تابىلاتىن دۇنيەجۇزىلىك مەتەورولوگيالىق ۇيىمنىڭ (د م ۇ) مالىمەتىنشە، «90 پايىزدىق ىقتيمالدىقپەن» ونىڭ ورتاشا تەمپەراتۋراسى 2016 -جىلدىڭ كورسەتكىشىنەن اسىپ تۇسەدى، بۇل قازىرگى ەڭ ىستىق جىل، دەپ حابارلايدى قازاقپارات.
زەرتتەۋ اۆتورلارى قازىرگى بەس جىلدىق كەزەڭنىڭ ءار جىلىنداعى قۇرلىق پەن تەڭىز بەتىندەگى ورتاشا تەمپەراتۋرا يندۋسترياعا دەيىنگى ءداۋىردىڭ تەمپەراتۋرالىق ماندەرىنەن كەم دەگەندە ءبىر گرادۋس سەلسيگە جوعارى بولادى دەپ سانايدى، ال ەڭ ىستىق جىلى ول 1,5 گرادۋستان اسادى. سونىمەن قاتار، ساراپشىلار جوعارى ەندىك اۋدانداردا اۋا رايى ىلعالدى، اتلانتيكاداعى سيكلونداردىڭ بەلسەندىلىگى ارتادى دەپ بولجاپ وتىر.
«بۇل جاي ستاتيستيكا ەمەس. تەمپەراتۋرانىڭ جوعارىلاۋى مۇزدىڭ ەرۋىن، تەڭىز دەڭگەيىنىڭ جوعارىلاۋىن، ىستىقتىڭ ارتۋىن جانە باسقا دا اۋا رايىنىڭ قۇبىلىستارىن بىلدىرەدى»، - دەپ ءتۇسىندىردى د م ۇ باس حاتشىسى پەتتەري تاالاس.
اۆتور: اياۋلىم التىنبەك