ەلوردالىق وقۋشىلار جازعى كانيكۋلدا «جاسىل ەل» جاساعىندا جۇمىس ىستەي الادى
بۇل تۋرالى نۇر- سۇلتان قالاسى ءبىلىم بەرۋ باسقارماسى باسشىسىنىڭ ورىنباسارى ريمما يمانعازينوۆا ايتىپ بەردى. «جاسىل ەل» الەۋمەتتىك جاستار جوباسى اياسىندا مەكتەپتەر مەن كوللەدجدەردىڭ 14-18 جاستاعى وقۋشىلارى بيىلعى 1 - ماۋسىم - 10 - تامىز ارالىعىندا جازعى كەزەڭدە جۇمىسپەن قامتىلادى. كوپبالالى، از قامتىلعان وتباسىلار، يۋۆەنالدىق پوليتسيادا ەسەپتە تۇرعان بالالار جانە جەتىم بالالار قاتارىنان 700-گە جۋىق بالانى قۇرايدى»، - دەدى ر. يمانعازينوۆا ەلوردا اكىمدىگىندە وتكەن ونلاين بريفينگتە.
باعدارلاما اياسىندا مەكتەپتەرمەن شارت جاسالادى، بالالار مەكتەپ جانىنداعى ۋچاسكەلەردە جۇمىس ىستەيدى، مەكتەپ اۋماعىن كوگالداندىرۋمەن اينالىسادى. جوبا بويىنشا ءار بالاعا 60 مىڭ تەڭگە كولەمىندە اقشالاي سىياقى قاراستىرىلعان. بۇدان باسقا، 1 - ماۋسىم مەن 25 - تامىز ارالىعىندا بالالارعا ءبىلىم بەرۋ ۇيىمدارى بازاسىندا ونلاين الاڭدار قولجەتىمدى بولادى. ناقتى قۇرىلعان جۇمىس بالالارعا تاڭەرتەڭنەن باستاپ، قىزىقتى جانە پايدالى ءبىلىم الۋعا مۇمكىندىك بەرەدى.
مۇندا بالالار باعدارلامالاۋ، ديزاين، جۇيەلىك باسقارۋ، ويىندار ازىرلەۋ جانە باسقا دا IT- باعىتتاردا وزدەرىن سىناپ كورە الادى. سونداي- اق، بولاشاق 1-سىنىپ وقۋشىلارىن دايارلاۋ ماقساتىندا ءار مەكتەپتە تامىزدان باستاپ، ەكى اپتالىق «بالاقاي» مەكتەبى ۇيىمداستىرىلادى. ايتا كەتەيىك، بيىل بالالار ءۇشىن جازعى دەمالىس ق ر ب ع م ۇسىنعان «قازاقستان بالالارى - جازدى قۋانىشقا تولتىرايىق» تاقىرىبىمەن ۇيىمداستىرىلادى. 1-30 - ماۋسىم ارالىعىندا وقۋشىلار سارايلارى جانىندا جازعى دەمالىس اكادەمياسىندا، كوركەم جانە مۋز ى كالىق مەكتەپتەردە، تەحنيكالىق جانە شىعارماشىلىق ورتالىقتاردا، «ارت تۇمار» ورتالىعىندا ۇيىرمەلەر مەن سەكسيالار اشىلادى.
26 - مامىردان 19 - ماۋسىمعا دەيىن اتا- انالاردىڭ وتىنىشىمەن وقىتۋ ساپاسىن ارتتىرۋ جانە شەكتەۋ شارالارى كەزىندەگى ءبىلىم الۋدا جىبەرىلگەن ولقىلىقتاردىڭ ورنىن تولتىرۋ ءۇشىن ونلاين- وففلاين رەجيمىندە جازعى مەكتەپ ۇيىمداستىرىلادى.
اۆتور: ايجان سەرىكجان قىزى