ماينينگ سالاسىنا قاۋىپ ءتونىپ تۇر
قازىرگى ۋاقىتتا ماينينگتىك فەرمالار مەن داتا- ورتالىقتارعا قوسىمشا سالىق سالىنۋى ىقتيمال - ەلەكتر ەنەرگياسىنىڭ 1 كيلوۆاتت- ساعاتىنا 1 تەڭگە. ءتيىستى تۇزەتۋلەردى سالىق كودەكسى ارقىلى قابىلداۋ جوسپارلانۋدا، ونى قازاقستان پارلامەنتىنىڭ ءماجىلىسى ەكى وقىلىمدا ماقۇلداپ، پارلامەنتىنىڭ سەناتىنا جىبەردى. مۇنداي شارا ماينينگ سالاسىن بۇزۋى مۇمكىن.
نارىق قۇرىلىمىن 17 ماينينگتىك داتا ورتالىق قۇراپ وتىر. قازاقستان رەسپۋبليكاسى ەنەرگەتيكا مينيسترلىگىنىڭ دەرەكتەرى بويىنشا، سيفرلىق ماينينگتىڭ داتا- ورتالىقتارى تۇتىناتىن ەلەكتر ەنەرگياسىنىڭ كولەمى 500 مەگاۆاتتى قۇرايدى.
ماينينگ نارىعىنىڭ كولەمى جىلىنا 4,38 ميلليارد كيلوۆاتت- ساعات. ەلەكتر ستانتسيالارىنىڭ ەلەكتر ەنەرگياسى ءۇشىن تولەيتىن اقىسى جىلىنا 57 ميلليارد تەڭگە. سونىمەن قاتار، جىلىنا تاعى 10-15 ميلليارد تەڭگە جالاقى تولەۋگە، قۇرىلىسقا، جەرگىلىكتى ەنەرگەتيكالىق ءونىمدى (كابەل، باقىلاۋ شكافتارى، ترانسفورماتورلار) ساتىپ الۋعا جۇمسالادى.
جىلىنا 70 ميلليارد تەڭگە — بۇل شەتەلدىك ۆاليۋتا تۇرىندە ماينينگ قىزمەتتەرى ءۇشىن تۇسەتىن اقشا.
«قازاقستانداعى بلوكچەين جانە داتا- ورتالىقتار يندۋسترياسى قاۋىمداستىعى» ز ت ب پرەزيدەنتى الان دوردجيەۆ سيفرلىق ماينينگ تەحنولوگيالىق پروتسەسس ەكەنىن ايتىپ بەردى. ماينينگتى سمارتفوندا جانە كومپيۋتەردە، ۇيدە جانە جۇمىستا جاساۋعا بولادى. سالىق كودەكسىنە تۇزەتۋلەر قابىلدانعان جاعدايدا، ول زاڭدى ءوز پايداسىن يكەمدەپ پايدالانۋعا جول اشادى، بۇل ءوز كەزەگىندە سىبايلاس جەمقورلىق تاۋەكەلدىكتەرىن تۋعىزادى.
سونداي- اق، تۇزەتۋلەردىڭ مۇنداي اسىعىس تۇردە قابىلدانۋى ينۆەستورلاردى قاتتى الاڭداتۋدا، ولار بۇل سالادان كەتىپ قالۋى ىقتيمال. ەگەر ءبىر كيلوۆاتت- ساعات ءۇشىن 1 تەڭگە مولشەرىندە قوسىمشا سالىق ەنگىزىلسە، وندا نەگىزگى ق ق س جانە ك ت س سەكىلدى نەگىزگى سالىقتاردان باسقا، ماينەرلەر قازاقستان بيۋدجەتىنە 4,4 ميلليارد تەڭگە تولەيتىن بولادى. بۇل شەتەلدىك ينۆەستورلاردىڭ رەگۋلياتورلىق تاۋەكەلدىلىگىن تۋعىزادى، ولاردىڭ بولاشاقتا بۇل سالاعا رەينۆەستيتسيا جاساۋعا دەگەن قىزىعۋشىلىقتارى جوعالىپ كەتەدى ەكەن. سيفرلىق ماينينگكە بايلانىستى 2020 -جىلدىڭ سالىق اۋدارىمدارى 7,5 ميلليارد تەڭگە ق ق س جانە 2 ميلليارد تەڭگە ك ت س قۇرادى.
ماينينگ سالاسىندا 800 ادام جۇمىس ىستەپ جاتىر. بۇل ينجەنەر ەنەرگەتيكتەر مەن ەلەكتريكتەر، ايتيشنيكتەر، ميكروچيپتەر مەن پلاتالار جونىندەگى ەلەكترونيكا ماماندارىنا جوعارى اقى تولەنەتىن جۇمىس ورىندارى. سونداي- اق سالادا مەردىگەرلەر جۇمىس ىستەيدى ، ءبارىن قوسقاندا جۇمىس ىستەيتىندەر سانى 1500 ادامدى قۇرايدى. بارلىق داتا- ورتالىقتار وڭىرلەردە ورنالاسقان. سالىق كودەكسىنە ەنگىزىلەتىن تۇزەتۋلەر شتاتتاردىڭ قىسقارۋىنا اسەر ەتپەك.
قازاقستاندا ونعا جۋىق ەلەكتر ستانتسياسى ماينەرلەرمەن جۇمىس ىستەيدى. سالىق كودەكسىنە ەنگىزىلەتىن تۇزەتۋلەر بۇل سالاعا دا زالال كەلتىرەدى. ماينينگتىك داتا ورتالىقتارى ايماقتىق ەلەكتر ستانتسيالارىنىڭ نەگىزگى ساتىپ الۋشىلارى بولىپ تابىلادى. ولاردان ايىرىلىپ قالماس ءۇشىن ەلەكتر ستانتسيالارىنا كيلوۆاتت- ساعات قۇنىن كەم دەگەندە 1,5 تەڭگەگە تومەندەتۋ ەسەبىنەن قوسىمشا جۇكتەمەنى وتەۋ قاجەت بولادى.
egemen.kz