ەلىمىزدە ەكولوگيالىق جاستار تەاترى اشىلماق
16:55, 26 - مامىر 2021
نۇر-سۇلتان. قازاقپارات - ەلىمىزدە ەكولوگيالىق جاستار تەاترىن اشۋ جوسپارلانىپ وتىر.
بۇل تۋرالى حالىققا ەسەپ بەرۋ كەزدەسۋىندە ق ر اقپارات جانە قوعامدىق دامۋ ءمينيسترى ايدا بالايەۆا ايتتى، دەپ حابارلايدى قازاقپارات ءتىلشىسى.
«جاستاردىڭ ەكولوگيالىق ساۋاتتىلىق دەڭگەيىن ارتتىرۋ - بۇگىنگى كۇننىڭ وتكىر تاقىرىپتارىنىڭ ءبىرى. بۇل باعىتتا، مينيسترلىك تاراپىنان جۇيەلى جۇمىستار لەگى اتقارىلىپ كەلەدى. بيىلعى 25 ءساۋىر مەن 25 مامىر ارالىعىندا ەل بويىنشا 80 مىڭنان استام جاستار وكىلىن قامتىعان «كيەلى تابيعات» رەسپۋبليكالىق ەكولوگيالىق جوباسى ىسكە استى»، - دەدى ايدا بالايەۆا.
مينيستر بۇل باعىتتا نەگىزىنەن اقپاراتتىق- اعارتۋ جۇمىسىنا باسا نازار اۋدارىلاتىندىعىن باسا ايتتى.
«الداعى ۋاقىتتا ەكولوگيالىق جاستار تەاترى مەن ارنايى YouTube-ارنا اشۋ جوسپاردا بار» ، - دەدى ول.
اۆتور: مارلان جيەمباي