ساراپشى: باتىر جۇكەمبايەۆتىڭ ايقاسىن مىندەتتى تۇردە كورۋ قاجەت
Vesti.kz تىلشىسىنە بەرگەن سۇحباتىندا Boxingscene.com شولۋشىسى ەليوت فوستەر وسىنداي پىكىر ءبىلدىردى.
«جۇكەمبايەۆتىڭ تەحنيكاسى جاقسى جانە جوعارى ساناتتا ەكەنى انىق. ۆاسكەستى ايقىن جەڭۋى قازاقستاندىق پروسپەكتتىڭ قولىنان نە كەلەتىنىن كورسەتتى. ونىڭ ءوز ءستيلى بار، جىلدام. شاشىراماي، رەتتى جۇدىرىقتاسادى. ونىڭ ءستيلى - جوسپاردى بۇلجىتپاي ۇستانۋ. جۇكەمبايەۆتىڭ اۋەسقويدا ۇلكەن تاجىريبەسى بار. سوندىقتان تەحنيكاسى تاماشا. ال ماتياس ءوز كەزەگىندە - جابايى اڭ. قۋاتى سۇمدىق. ول جۇدىرىق الا جۇگىرگەندى جاقسى كورەدى. وسىنداي ايقاستاردىڭ ءبىرى قايعىلى اياقتالعان (ماكسيم داداشيەۆتىڭ ءولىمى)، بۇل دا جۇكەمبايەۆقا پسيحولوگيالىق تۇرعىدا قىسىم بولۋى مۇمكىن.
ناقتى بىرەۋىندە باسىمدىعى بار دەپ ايتۋ قيىن. مەن قازاقستاندىق بوكسشى جەڭەدى دەگەنگە يلانامىن، دەگەنمەن، ماتياستىڭ ەسەڭگىرەتەر سوققىسى وعان بوگەت بولۋى مۇمكىن. بۇل وتە قىزىقتى ايقاس، مىندەتتى تۇردە كورۋ قاجەت»، - دەيدى فوستەر.