وبلىستىق پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، وقىس وقيعا 23 -مامىردا ساعات 18:30 شاماسىندا «اتىراۋ- يندەر» جولىندا بولعان.
جۇرگىزۋشى «گازەل» كولىگىنەن ءتۇتىن شىققانىن بايقاعان. سول سەبەپتەن قاسىنداعى جولاۋشى - 1969 -جىلى تۋعان ايەلدەن كولىكتەن سەكىرۋىن وتىنگەن. «ءجۇرىپ كەلە جاتقان «گازەلدەن» سەكىرگەن ايەل كولىكتىڭ استىنا تۇسكەن. جولاۋشى وقيعا ورنىندا كوز جۇمعان. قازىر تەرگەۋ باستالدى» دەپ حابارلادى دەپارتامەنتتىڭ باسپا ءسوز قىزمەتى.
ەسكە سالا كەتەلىك، بۇدان بۇرىن اتىراۋدا اۆتوبۋس قاققان جاياۋ جۇرگىنشى كوز جۇمعانىن حابارلاعان بولاتىنبىز.
اۆتور: بەك مۇستافا