باتىس قازاقستاندا ەكىنشى دۇنيەجۇزىلىك سوعىس كەزىنەن قالعان سنارياد تابىلدى
07:11, 25 - مامىر 2021
ورال. قازاقپارات - باتىس قازاقستان وبلىسىندا ەكىنشى دۇنيەجۇزىلىك سوعىس كەزىنەن قالعان سنارياد تابىلدى، دەپ حابارلايدى قازاقپارات ءتىلشىسى.
ب ق و پوليتسيا دەپارتامەنتى باسپا ءسوز قىزمەتىنەن تۇسكەن مالىمەتكە قاراعاندا، وقيعا 24-مامىر كۇنى ساعات 16.30 دا بوكەي ورداسى اۋدانى ورتالىعى سايقىن اۋىلىندا بولدى. اۋىل شەتىندە جەر قازىپ جاتقان تۇرعىن تاتتانىپ كەتكەن سنارياد تاۋىپ العان. ونىڭ ۇزىندىعى 100 س م، ديامەترى 15 س م. سناريادتى ورال قالاسىنان ارنايى بارعان ساپەرلار زالالسىزداندىراتىن بولادى.
ەكىنشى دۇنيەجۇزىلىك سوعىس كەزىندە باتىس قازاقستاننىڭ وردا (قازىرگى بوكەي ورداسى)، جانىبەك اۋداندارى ستالينگراد مايدانىنا ءتيىپ تۇرعاندىقتان، سوعىس جاعدايىندا دەپ جاريالانىپ، تالاي رەت بومبا ءتۇسىپ، سنارياد جارىلعان بولاتىن.