سۋسىننىڭ قاي ءتۇرى ءشولدى تەز باسادى؟
ليموناد، سۋ، شىرىن مەن ءسۇت، كەيدە سۋىق نە ىستىق شاي، گازدالعان سۋسىن ىشەمىز. اتا-اجەلەر شولدەپ كەتتىك دەپ ىستىق كۇندە ىستىق شاي ءىشىپ جاتادى. ءبىراق بۇل سۋسىن تۇرلەرىنىڭ قايسىسى ءشول قاندىرۋعا جاقسىراق، قايسىسى اعزاعا تەز قۋات بەرەدى؟
ەڭ الدىمەن شولدەۋ دەگەن نە، سوعان ءمان بەرەيىك. شولدەۋ دەگەنىمىز - اعزاعا سۋ جەتپەي، قاننىڭ سۇيىلۋى. ادام اعزاسى سونى سيگنال تۇرىندە بىلدىرەدى. دەمەك، بىزگە تەز قورىتىلىپ بارىپ قانعا جىلدام سىڭەتىن سۇيىقتىق كەرەك. سوندىقتان بولار، كەي سۋسىندى ىشسەك، ءشول تەز قانادى دا، ەندى ءبىرىن ىشسەك، ءشول قانباي، قايتا-قايتا ىشە بەرەمىز.
تاسمانيا ۋنيۆەرسيتەتى مەن گارۆارد قوعامدىق تاماقتانۋ مەكتەبى عالىمدارىنىڭ مىنا ءبىر زەرتتەۋىندە ءشولدى باساتىن ەڭ جاقسى سۇىقتىق رەتىندە كادىمگى سۋدى تاڭداعان ەكەن. ول عالىمداردىڭ ايتۋىنشا، ىستىق كۇندە ءتاتتى سۋسىن مەن ءسۇت ىشۋدەن ءبىراز تىيىلا تۇرعان دۇرىس. ويتكەنى ءتاتتى سۋسىن مەن شىرىننىڭ قۇرامىندا كومىرسۋ كوپ ءارى اسا ءشول قاندىرمايدى. قانت ديابەتىنە شالدىقتىرۋى مۇمكىن.
سۋسىنداردىڭ ءشولدى قالاي باساتىنىن باعالاۋ مەن مەتريكاسىن ولشەۋدىڭ ءتاسىلىن تابا الماي عالىمدار ۇزاق ءجۇردى. ءبىراق جاقىندا عانا بريتانيا زەرتتەۋشىلەرى ءشولدى باسۋ دەڭگەيىن ولشەيتىن مەتريكا ءتۇرىن تاۋىپ، وعان گليكەميا يندەكسى دەگەن اتاۋ بەرىپتى. سۋسىننىڭ بۇل يندەكسى جوعارى بولعان سايىن، قانعا ءسىڭۋى دە تومەن بولماق. عالىمدار ەسەپتەۋدىڭ باسى رەتىندە سۋدى العان ەكەن.
سۋسىنداردىڭ گليكەميالىق يندەكسىنە جۇگىنسەك، ەڭ از قورىتىلاتىن سۋسىن - ءسۇت پەن اپەلسين شىرىنى ەكەن. كوفە مەن گازدالعان سۋسىن دا جىلدام قورىتىلاتىن سۋسىنعا جاتپايدى.
massaget.kz