پاۆلودارلىق مانيكيۋرشى بالا كەزەكتى حالىقارالىق بايقاۋدا جەڭىسكە جەتتى
«14 جاستاعى ەكىباستۇزدىق ارۋلات مۇحامەتقالي پاريجدە وتكەن nail-شەبەرلىك بويىنشا بايقاۋدا جەڭىسكە جەتتى»، - دەپ ءمالىم ەتتى پاۆلودار وبلىستىق ءبىلىم باسقارماسىنان.
جەتكىنشەك مانيكيۋر جاساۋ ىسىمەن مۇمكىندىگى شەكتەۋلى باۋىرىنىڭ ەمىنە كومەكتەسۋ ءۇشىن اينالىسا باستاعان بولاتىن.
«بۇل، جاس شەبەر ءۇشىن كاسىپقويلار اراسىنداعى العاشقى جەڭىس ەمەس. ونىڭ رەسەي، پورتۋگاليا، ۋكراينا، گرەتسيا، يتاليا، پولشا، بىرىككەن اراب امىرلىكتەرى جانە بولگاريادا وتكەن تۋرنيرلەردەگى جەڭىسى ءۇشىن العان، بارلىعى 12 ديپلومى بار»، - دەپ قوستى ۆەدومستۆودان.
ءبىلىم باسقارماسىنىڭ اقپاراتىنا سۇيەنسەك، ارۋلات مانيكيۋر جاساۋدان بولەك، بيمەن اينالىسادى جانە ءىنىسىنىڭ شاشتاراز بولۋ ارمانىن جۇزەگە اسىرۋ ءۇشىن ونىڭ وقۋ كۋرسىن تولەپ وتىر.
«پاريجدە وتكەن نەيل- چەمپيوناتتا ءبىرىنشى ورىن الدىم. ءار جەڭىس ماعان قۋانىش سىيلايدى. ماعان قولداۋ ءبىلدىرىپ وتىرعان وقىرماندارىما العىس ايتامىن!»، - دەپ جازدى جەتكىنشەك Instagram-پاراقشاسىندا.