ۆاكسينامەن بىرگە ەنگىزىلگەن چيپكە ماگنيت تارتىلادى – جالعان
ول ماگنيتتىڭ تەك ەكپە جاساتقان جەرگە عانا تارتىلاتىندىعىن ايتادى. دەمەك، ۆاكسينادا چيپ بار دەگەن قورىتىندىعا كەلەدى. بۇل فەيك. بۇل تۋرالى قازاقپارات stopfake.kz سايتىنا سىلتەمە جاساپ حابارلايدى.
ۆاكسيناتسيالانعان ادامداردىڭ قولىنا ماگنيتتەر تارتىلعاندىعى تۋرالى بەينەلەر قازىر جەلىدە وتە تانىمال. ولار العاش رەت اعىلشىن ءتىلدى الەۋمەتتىك جەلىلەردە پايدا بولدى. كوبىنەسە ولاردى ۆاكسيناتسياعا قارسى ادامدار تاراتادى. ولاردىڭ پىكىرىنشە، بۇل اقىل- ويىن باقىلاۋ ءۇشىن COVID-19-عا قارسى ەگۋ ارقىلى ادام اعزاسىنا ميكروچيپ ەنگىزىلەتىنىنىڭ دالەلى. ءبىراق بۇل عىلىمي فاكتىلەرگە قايشى كەلەتىن قاستاندىق تەورياسى.
ادامدارعا COVID-19 ۆاكتسيناسىمەن بىرگە چيپتەر سالىنادى دەگەن بولجامدار نەگىزسىز. بۇل ميف بۇرىن بىرنەشە رەت تەرىسكە شىعارىلعان. قاباتىنىڭ استىندا بولا تۇرا، ول وزىنە ماگنيت تارتا المايدى. كەڭىنەن تاراعان بەينەلەردىڭ بىرىندە اۆتور ۆاكسينا سالدىرعان بالاعا ماگنيتتىڭ اسەرىن كورسەتەدى. سونداي- اق ۆيدەو جازباسىندا ءوزى مۇنىڭ فەيك ەكەنىن تۇسىندىرەدى، بۇل ادامدارعا شىنايى اقپاراتتى جالعان اقپاراتتان اجىراتۋدى ۇيرەنۋ ءۇشىن ارنايى جاسالعان. كەيبىر ادامدار تىلسىم ەنەرگيا كۇشىمەن مەتالداردى وزىنە تارتا الادى دەگەن بولجام بار. مۇنداي ۆيدەولاردى سكەپتيكتەر بىرنەشە رەت جوققا شىعاردى.
قاسىقتار مەن زاتتاردىڭ تەرىگە جابىسۋىنىڭ قۇپياسى ادامنىڭ بەلگىلى ءبىر «ماگنيت ءورىسى» مەن «زەرتتەلمەگەن ەنەرگياسىنىڭ» بولۋىندا ەمەس، تەرىنى جابىسقاق ەتەتىن تەردە جانە دەنەنىڭ يىلۋىندە جاتىر، زاتتاردىڭ دەنەگە «ماگنيتتەلەتىنى دە» سوندىقتان. جەلىدە پارانورمالدى قابىلەتتەرى جوق قاراپايىم ادامدار وسى ايلا- امالداردى قولدانا وتىرىپ، قاسىقتاردى وزدەرىنە «تارتاتىن» ۆيدەولاردى كورۋگە بولادى. ادامدى ماگنيتكە اينالدىراتىن ۆاكسينالارداعى مەتالل چيپتەردىڭ بولاتىنى تۋرالى تەوريا عىلىمي فاكتىلەرگە قايشى كەلەدى جانە ەشقانداي دالەلى جوق.