قالا اتى اقىن دجون گرينليف ۋيتتەردىڭ قۇرمەتىنە قويىلعان. ەكىنشى دۇنيەجۇزىلىك سوعىس كەزىندە ا ق ش ۇكىمەتى مۇزدى جاعالاۋعا بازا قۇرۋ تۋرالى شەشىم قابىلداعان. مۇندا سۋ ۇستىمەن جەتۋ ءۇشىن مۇز ارقىلى 3 شاقىرىمدىق تۋننەل قۇرۋ كەرەك بولعان.
قازىر قالادا كولىك جولى عانا ەمەس، تەمىرجولدار دا سالىنعان. كەيىننەن اسكەريلەر ءۇشىن 14 قاباتتى عيمارات سالىندى. انتون اندەرسەن «بەگيچ تاۋەرس» دەپ اتالاتىن قۇرىلىس جوباسىنىڭ اۆتورى. مۇندا تۇرعىن ۇيلەردەن باسقا دۇكەندەر، شاشتاراز، سپورتزال، پوليتسيا ءبولىمى جانە شىركەۋ بار.
1964-جىلى ا ق ش- تاعى كۇشتى جەر سىلكىنىسى قالانىڭ تىنىش ءومىرىن بۇزدى. جەراستى تولقىندارى كوپتەگەن تەحنيكالاردى جارامسىز ەتتى. قالا عيماراتىن زاقىمدادى. 13 ادامنىڭ ءومىرىن قيدى. اسكەري-تەڭىز بازاسى جابىلعانىنا قاراماستان، بەيبىت تۇرعىنداردىڭ كوپشىلىگى وسىندا تۇرۋدى شەشتى.
قالپىنا كەلتىرىلگەن بەگيچ تاۋەرس ۇلكەن كوممۋنالدى پاتەرگە اينالدى. مۇندا ءومىر ءسۇرۋ وڭاي ەمەس. سەبەبى ۋيتتيەردە اۋا رايى جىل بويى وتە سۋىق. قىستا قالانى بىرنەشە مەتر قار باسىپ قالادى. جىلدامدىعى ساعاتىنا 100 شاقىرىمعا جەتەتىن قاتتى داۋىل دا تۇرادى. مۇنداعى تۇرعىندار قاراشادان اقپانعا دەيىن كۇن كورمەيدى.
قالادا جەمىس-جيدەك پەن كوكونىس وسىرۋگە ارنالعان جىلىجاي بار. ولار سىرتقى الەممەن تەك ينتەرنەت ارقىلى بايلانىسادى. جويقىن جەر سىلكىنىسىنەن كەيىن ا ق ش ۇكىمەتى عيماراتتى قالپىنا كەلتىرۋگە ۋادە بەردى. ءبىراق ۋادە ورىندالمادى. سوندىقتان حالىقتىڭ ءبىر بولىگى ۋيتتيەردەن كەتكەن.
قالا تۇرعىندارى نەگىزىنەن تۋريستەر مەن كەمەلەرگە تولى پورتتا جۇمىس ىستەيدى.
ايتپاقشى، مۇزدىقتاردىڭ ورتاسىندا ورنالاسقان تاڭعاجايىپ قالا الەمنىڭ تۇكپىر-تۇكپىرىنەن تۋريستەر تارتادى. ولاردى قاتال اۋا رايىندا تۇراتىن حالىقتىڭ ءومىر سالتى قىزىقتىرادى. قالا ەرەجەسىندە تىيىم سالىنعانىنا قاراماستان، كەيبىرەۋلەر ءۇيىن تۋريستەرگە جالعا بەرەدى.
massaget.kz