توقايەۆ تاجىكستان پرەزيدەنتىمەن كەزدەسۋى جايلى: ورتالىق ازياداعى قاۋىپسىزدىكتى نىعايتۋدىڭ وزەكتىلىگىن ەرەكشە اتاپ وتتىك
20:56, 20 - مامىر 2021
نۇر-سۇلتان. قازاقپارات - ق ر پرەزيدەنتى قاسىم-جومارت توقايەۆ تاجىكستان پرەزيدەنتى ەمومالي راحمونمەن تابىستى كەلىسسوز جۇرگىزگەنىن مالىمدەدى.
بۇل تۋرالى ول Twitter- دەگى پاراقشاسىندا جازدى.
«تاجىكستان پرەزيدەنتى ەمومالي راحمونمەن تابىستى كەلىسسوز جۇرگىزدىم. قازاقستان مەن تاجىكستان اراسىنداعى ستراتەگيالىق سەرىكتەستىكتى ودان ءارى نىعايتۋعا ۋاعدالاستىق. كەلەشەكتەگى ساياسي جانە ساۋدا-ەكونوميكالىق ىنتىماقتاستىقتىڭ باسىم باعىتتارىن ايقىندادىق. كەلىسسوزدە ورتالىق ازياداعى تۇراقتىلىق پەن قاۋىپسىزدىكتى نىعايتۋدىڭ، وڭىرلىك ديالوگتى، اتاپ ايتقاندا، بەس مەملەكەت باسشىلارىنىڭ كونسۋلتاتيۆتىك كەزدەسۋى دەڭگەيىندە دامىتۋدىڭ وزەكتىلىگىن ەرەكشە اتاپ وتتىك. سونداي-اق ت م د، ە ا ە و، ۇ ق ش ۇ، ش ى ۇ، ا و ى س ش ك اياسىنداعى ىقپالداستىقتى تالقىلادىق» دەلىنگەن حابارلامادا.