جالعان بولسا دا ءبىز سەنەتىن اڭىزدار

نۇر-سۇلتان. قازاقپارات - ءبىز جەكە ادامداردىڭ ءومىرى تۋرالى بەلگىلى ءبىر تاريحي وقيعالار مەن اڭىزدارعا سەنەتىنىمىز سونشالىق، كەيدە ولاردىڭ جالعان ەكەنىن جوققا شىعارامىز.

نازارىڭىزعا ءتۇبى جالعان، ءبىراق شىندىق رەتىندە تارالعان بىرنەشە دەرەكتى ۇسىنامىز.

ميف: گرەكتەر ترويانى جاۋلاپ الۋ ءۇشىن ترويالىقتارعا ات ءمۇسىنىن سىيلاعان

شىندىق: گرەكتەردىڭ ماقساتى ترويانى باعىندىرۋ بولاتىن. ءبىراق ولار وسى ماقساتتا تروياعا ەشقانداي دا ات ءمۇسىنىن سىيلاماعان. كەرىسىنشە، ترويانىڭ الىپ قابىرعالارىن بۇزىپ ءوتۋ ءۇشىن، الىپ اعاش ات ءمۇسىنىن پايدالانعان.

ميف: مەندەلەيەۆ حيميالىق ەلەمەنتتەردىڭ پەريودتىق جۇيەسىن تۇسىندە كورگەن

شىندىق: عالىمنىڭ ءوزى بۇل تۇسكە بايلانىستى قاۋەسەتتى كوزى تىرىسىندە-اق جوققا شىعارىپ، بىلاي دەگەن: «مەن ونىمەن (كەستەمەن) جيىرما جىل بويى اۋرەلەندىم». ءتۇس تۋرالى وقيعانى شىندىعىندا مەندەلەيەۆتىڭ دوسى، مۇعالىم ا. ينوستانتسيەۆ شاكىرتتەرىنىڭ كوڭىل-كۇيىن كوتەرۋ ءۇشىن ءازىل رەتىندە ويلاپ تاپقان.

ميف: ەگيپەتتىڭ پاتشايىمى كلەوپاترا ەگيپەتتىك بولعان

شىندىق: مىسىردىڭ اتاقتى پاتشايىمى گرەك بولعان. كلەوپاترا الەكساندريادا دۇنيەگە كەلگەن. ونىڭ ارعى تەگى پتولومەي، ول الەكساندر ماكەدونسكيدىڭ قولباسشىلارىنىڭ ءبىرى. ەسكەندىر قايتىس بولعاننان كەيىن پتولومەي ەگيپەتتى جاۋلاپ الدى.

ميف: ەگيپەت پيراميدالارىن قۇلدار سالعان

شىندىق: ەگيپەت پيراميدالارىن قۇلدار ەمەس، ەركىن جانە كاسىبي جۇمىسشىلار سالعان دەگەن كوپتەگەن بۇلتارتپاس دالەلدەر بار.

ميف: تەڭىز قاراقشىلارى تەك ەر ادامدار

شىندىق: تەڭىزدەر مەن مۇحيتتاردا تەك ەر ادامدار قازىنا ىزدەپ، جولاۋشىلاردى توناماعان. ايەلدەر دە ولارعا جاقسى باسەكەلەس بولا العان. ولار قاراقشىلىق پەن توناۋشىلىق جاعىنان ەرلەردەن قالىسپاعان. مىسالى تاريحتا اتى قالعان جاننا دە بەلۆيل، سكانديناۆيالىق حانشايىم قاراقشى الۆيلدا، لەدي كيليگرۋ، مەري ەنن بلەيد سىندى قاراقشى ايەلدەر بولعان.

ميف: گلادياتورلار ءارقاشان الاڭدا قايتىس بولعان

شىندىق: ەڭ تاجىريبەلى جانە بىلىكتى جاۋىنگەرلەر جوعارى باعالانعان جانە ولاردىڭ كوپشىلىگى ۇزاق ءومىر سۇرگەن. گلادياتورلاردىڭ سۇيەكتەرىن تالداعاندا ولار جۇزدەن استام شايقاسقا قاتىسقانىن جانە ۇزاق ءومىر سۇرگەندىگىن كورسەتكەن.

ميف: انگليانىڭ ايگىلى كورولى ارتۋر (سيقىرشى مەرليننىڭ دوسى) تاريحي تۇلعا

شىندىق: ارتۋر ەشقاشان بولعان ەمەس. مۇمكىن بۇل اتاۋ تاريحتا باسقا ەسىممەن تانىمال ادامعا قولدانىلعان شىعار.

ميف: سالەري (موتسارتتىڭ قارسىلاسى) موتسارتتى ۋلاعان

شىندىق: سالەريدە موتسارتتى ولتىرەتىندەي سەبەپ جوق ەدى. ويتكەنى ول سول كەزدە موتسارتقا قاراعاندا جولى بولعىش، داۋلەتتى جانە اتاقتى بولعان. سالەريگە تاعىلعان بارلىق ايىپتار ونىڭ كوزى تىرىسىندە جوققا شىعارىلعان.

ميف: ەجەلگى مۇسىندەر مەن عيماراتتاردىڭ بارلىعى اق ءتۇستى

شىندىق: ەجەلگى ونەر شىنىندا دا اق تۇسكە بايلانىستى. ءبىراق عيماراتتار مەن مۇسىندەر ءبىر كەزدەرى ءتۇرلى-ءتۇستى ەتىپ بويالعان. ۋاقىت وتە كەلە بۇل تۇستەر ءوشىپ قالعان. بۇگىندە ۋلترا كۇلگىن ساۋلەلەر ارقىلى ەجەلگى ەسكەرتكىشتەردىڭ شىنايى ءتۇسىن كورۋگە بولادى.

ميف: ا ق ش كوۆبويلارى اتۋدى ۇناتاتىن

شىندىق: شىندىعىندا، مۇنداي يدەيا باتىستىق فيلمدەر ارقىلى پايدا بولدى.

ميف: يۆان گروزنىي ءوز ۇلىن ءولتىردى

شىندىق: ەشقانداي جازبادا يۆان حانزادانىڭ ءولىمى ادام قولىنان دەگەن جازبا جوق. يۆان پاتشانىڭ ماسكەۋگە جىبەرگەن حاتتارىنان ۇلىنىڭ اۋرۋدان قايتىس بولعانىن انىقتاۋعا بولادى. مۇنى زاماناۋي زەرتتەۋشىلەر دە راستادى.

ميف: الفرەد نوبەل ايەلىنىڭ ماتەماتيك عالىممەن اۋەيى بولعانى ءۇشىن ءوزىنىڭ سىيلىعىنا ماتەماتيكا سالاسىن قوسپاعان

شىندىق: الفرەد نوبەل ەشقاشان ۇيلەنبەگەن. نوبەل سىيلىعىنىڭ ماتەماتيكا جەتىستىكتەرىنە بەرىلمەۋىنىڭ سەبەبى ونى نوبەل ابستراكتىلى عىلىم دەپ ساناعان

ميف: ەجەلگى سپارتادا ءالسىز سابيلەر قۇزدان لاقتىرىلعان

شىندىق: ءيا، شىنىندا دا سپارتا جەرىندەگى قۇزدان ادامداردىڭ سۇيەگى تابىلعان. الايدا، اڭىزعا اينالعان جارتاستان تابىلعان قالدىقتاردى تالداۋ كەزىندە زەرتتەۋشىلەر بۇل قالدىقتاردىڭ 18 بەن 35 جاس ارالىعىنداعى ەر ادامدارعا تيەسىلى ەكەنىن انىقتادى.

massaget.kz